Snake Rescue: ୩ଟି ଗଲ୍ଫ ବଲ୍ ଗିଳିଦେଲା ସାପ, ଅସ୍ତ୍ରୋପଚାର ବିନା ଉଦ୍ଧାର କଲେ ପଶୁ ଡାକ୍ତର
ନୂଆଦିଲ୍ଲୀ: ଏକ ସାପ ୩ଟି ଗଲ୍ଫ ବଲ୍ ଗିଳିଦେବା ଘଟଣା ଏବେ ଚର୍ଚ୍ଚାରେ ରହିଛି। ସାପଟି ଗଲ୍ଫ ବଲ୍ଗୁଡ଼ିକୁ ଖାଦ୍ୟ ଭାବି ଗିଳିଦେଇଥିବା ଜଣାପଡ଼ିଛି। ଘଟଣା ପରେ ତାକୁ ପଶୁ ଡାକ୍ତରଙ୍କ ପାଖକୁ ନିଆଯାଇଥିଲା। ଯାଞ୍ଚ ପରେ ସାପର ପେଟରେ ୩ଟି ଗଲ୍ଫ ବଲ୍ ଥିବା ଜଣାପଡ଼ିଥିଲା।
ସାଧାରଣତଃ ଏଭଳି ଅଜଣା ବସ୍ତୁ ଗିଳିଦେଲେ ଅସ୍ତ୍ରୋପଚାରର ଆବଶ୍ୟକତା ପଡ଼ିପାରେ। କିନ୍ତୁ ଏହି ଘଟଣାରେ ପଶୁ ଚିକିତ୍ସକମାନେ ଅସ୍ତ୍ରୋପଚାର ନକରି ଏକ ବିଶେଷ ପଦ୍ଧତିରେ ଗଲ୍ଫ ବଲ୍ଗୁଡ଼ିକୁ ବାହାର କରିଥିଲେ। ଏହା ଫଳରେ ସାପଟିକୁ ଅନାବଶ୍ୟକ ଅସ୍ତ୍ରୋପଚାରରୁ ବଞ୍ଚାଇବା ସମ୍ଭବ ହୋଇଥିଲା।
ଏହି ଘଟଣା ସାପ ଭଳି ପ୍ରାଣୀଙ୍କ ଖାଦ୍ୟ ଗ୍ରହଣ ଅଭ୍ୟାସ ଓ ଅଜଣା ବସ୍ତୁ ଗିଳିଦେବାର ବିପଦକୁ ନେଇ ମଧ୍ୟ ଚର୍ଚ୍ଚା ସୃଷ୍ଟି କରିଛି। ତେବେ ଘଟଣାଟି କେଉଁ ସ୍ଥାନରେ ଘଟିଛି ଏବଂ ସାପଟି କେଉଁ ପ୍ରଜାତିର, ସେନେଇ ନିର୍ଦ୍ଦିଷ୍ଟ ସୂଚନା ମିଳିନାହିଁ |
