Aviation Heroes: ୪୦ ବର୍ଷ ପରେ ଆକାଶରେ ପୁଣି ଏକ ସାହସ ପୂର୍ଣ୍ଣ କାହାଣୀ! ନୀରଜାଙ୍କ ପରେ ସ୍ମିତ ମଚ୍ଛାରଙ୍କ ବୀରତା
ନୂଆଦିଲ୍ଲୀ: ୧୯୮୬ରେ ନୀରଜା ଭାନୋଟ ଓ ୨୦୨୬ରେ କ୍ୟାପ୍ଟେନ୍ ସ୍ମିତ ମଚ୍ଛାର—ଦୁଇ ଭିନ୍ନ ସମୟରେ ଦୁଇ ଭାରତୀୟ Aviation professional ଆକାଶରେ ଭୟଙ୍କର ସଙ୍କଟର ସାମ୍ନା କରିଥିଲେ। ୧୯୮୬ରେ Pan Am Flight 73 କରାଚିରେ ହାଇଜାକ୍ ହେବା ସମୟରେ ନୀରଜା ଭାନୋଟ ଯାତ୍ରୀଙ୍କୁ ବାହାର କରିବାରେ ସାହାଯ୍ୟ କରିଥିଲେ ଏବଂ ନିଜ ଜୀବନ ହରାଇଥିଲେ। ୪୦ ବର୍ଷ ପରେ, ୨୦୨୬ରେ Flydubai Flight FZ1073ରେ କ୍ୟାପ୍ଟେନ୍ ସ୍ମିତ ମଚ୍ଛାରଙ୍କୁ ତାଙ୍କ କୋ-ପାଇଲଟ୍ ଆକ୍ରମଣ କରିଥିବା ଅଭିଯୋଗ ହୋଇଥିଲା। ଆହତ ହେବା ସତ୍ତ୍ୱେ ସେ କକପିଟ୍ର ନିୟନ୍ତ୍ରଣ ଫେରାଇବାରେ ସଫଳ ହୋଇଥିଲେ।
୧୯୮୬ ସେପ୍ଟେମ୍ବର ୫ରେ Pan Am Flight 73 କରାଚିରେ ଅବତରଣ କରିବା ପରେ ଚାରିଜଣ ସଶସ୍ତ୍ର ହାଇଜାକର୍ ବିମାନକୁ କବଜା କରିଥିଲେ। ସେତେବେଳେ ସିନିୟର ଫ୍ଲାଇଟ୍ ପର୍ସର ଥିବା ନୀରଜା ଭାନୋଟ କକପିଟ୍ କ୍ରୁଙ୍କୁ ସତର୍କ କରିଥିଲେ, ଯାହାଫଳରେ ପାଇଲଟ୍ମାନେ ବାହାରି ପାରିଥିଲେ। ପରେ ନୀରଜା ଯାତ୍ରୀଙ୍କୁ ଜରୁରୀକାଳୀନ ଦ୍ୱାର ଦେଇ ବାହାର କରିବାରେ ସାହାଯ୍ୟ କରିଥିଲେ। ଗୁଳିଚାଳନା ସମୟରେ ଯାତ୍ରୀଙ୍କୁ ବଞ୍ଚାଇବାକୁ ଚେଷ୍ଟା କରି ସେ ନିଜ ଜୀବନ ହରାଇଥିଲେ। ତାଙ୍କୁ ମରଣୋତ୍ତର ଅଶୋକ ଚକ୍ର ପ୍ରଦାନ କରାଯାଇଥିଲା।
୨୦୨୬ ସେପ୍ଟେମ୍ବର ୩୦ରେ Dubaiରୁ Tel Aviv ଯାଉଥିବା Flydubai ବିମାନରେ ସ୍ମିତ ମଚ୍ଛାରଙ୍କ ଉପରେ କୋ-ପାଇଲଟ୍ ଆକ୍ରମଣ କରିଥିବା ଅଭିଯୋଗ ହୋଇଥିଲା। ଘଟଣା ପରେ ବିମାନଟି ଦ୍ରୁତ ଭାବେ ଉଚ୍ଚତା ହରାଇଥିଲା। ଗୁରୁତର ଆହତ ହେବା ସତ୍ତ୍ୱେ ମଚ୍ଛାର କକପିଟ୍ ଦ୍ୱାର ଖୋଲିବାରେ ସକ୍ଷମ ହୋଇଥିଲେ, ଯାହା ପରେ ଯାତ୍ରୀ ଓ କ୍ରୁ ସଦସ୍ୟମାନେ ଆକ୍ରମଣକାରୀଙ୍କୁ କାବୁ କରିଥିଲେ। ବିମାନଟି ପରେ ସାଉଦି ଆରବର ତାବୁକ୍ରେ ଜରୁରୀ ଅବତରଣ କରିଥିଲା ଏବଂ ସମସ୍ତ ୧୭୪ ଯାତ୍ରୀ ବଞ୍ଚିଥିଲେ।
