Mexico School Attack: ସ୍କୁଲରେ ଭୟଙ୍କର ଆକ୍ରମଣ, ଉପ-ପ୍ରଧାନଶିକ୍ଷକଙ୍କ ମୃତ୍ୟୁ; ୩ ଆହତ
ନୂଆଦିଲ୍ଲୀ: ମେକ୍ସିକୋର ଉତ୍ତର ଅଞ୍ଚଳର କୋଆହୁଇଲା ରାଜ୍ୟର ଟୋରେଅନ୍ ସହରର ଏକ ସେକେଣ୍ଡାରୀ ସ୍କୁଲରେ ଭୟଙ୍କର ଆକ୍ରମଣ ଘଟିଛି। ଏହି ଘଟଣାରେ ସ୍କୁଲର ଜଣେ ଉପ-ପ୍ରଧାନଶିକ୍ଷକଙ୍କ ମୃତ୍ୟୁ ହୋଇଥିବା ବେଳେ ଆଉ ୩ ଜଣ ଆହତ ହୋଇଛନ୍ତି। Secondary School No. 13ରେ ଘଟିଥିବା ଏହି ଘଟଣାରେ ୧୮ ବର୍ଷୀୟ ଦୁଇ ଭାଇଙ୍କ ସମ୍ପୃକ୍ତି ଥିବା ଅଭିଯୋଗ ହୋଇଛି। ସେମାନେ ପୂର୍ବରୁ ଏହି ସ୍କୁଲରେ ପଢ଼ୁଥିବା ସ୍ଥାନୀୟ ରିପୋର୍ଟରେ କୁହାଯାଇଛି।
ରିପୋର୍ଟ ଅନୁସାରେ, ଦୁଇ ଯୁବକ ସ୍କୁଲ ଭିତରକୁ ଧାରୁଆ ଅସ୍ତ୍ର ଏବଂ କିଛି ଘରୋଇ ଭାବେ ପ୍ରସ୍ତୁତ ବିସ୍ଫୋରକ ଉପକରଣ ନେଇ ପ୍ରବେଶ କରିଥିବା ଅଭିଯୋଗ ହୋଇଛି। ଆକ୍ରମଣ ପରେ ସୁରକ୍ଷାକର୍ମୀ ସେମାନଙ୍କୁ ଧରିଥିଲେ। ଆହତମାନଙ୍କୁ ତୁରନ୍ତ ହସ୍ପିଟାଲକୁ ନେଇ ଚିକିତ୍ସା କରାଯାଇଛି। ଘଟଣା ପରେ ସ୍ଥାନୀୟ ପ୍ରଶାସନ ପକ୍ଷରୁ ସ୍କୁଲର ସୁରକ୍ଷା ବ୍ୟବସ୍ଥା ନେଇ ମଧ୍ୟ ଯାଞ୍ଚ ଆରମ୍ଭ ହୋଇଛି।
ଏହି ଆକ୍ରମଣ ପଛରେ ପ୍ରକୃତ କାରଣ କଣ ଥିଲା, ସେନେଇ ତଦନ୍ତ ଜାରି ରହିଛି। ମେକ୍ସିକୋରେ ସ୍କୁଲ ଭିତରେ ଏଭଳି ଆକ୍ରମଣ ତୁଳନାମୂଳକ ଭାବେ ବିରଳ ହୋଇଥିବା ବେଳେ ଦେଶର ଅନେକ ହିଂସା ଘଟଣା ସଂଗଠିତ ଅପରାଧ ସହ ଜଡ଼ିତ ରହିଥାଇପାରେ ବୋଲି ଅନୁମାନ କରାଯାଉଛି । ତେବେ ଏହି ଘଟଣାର ପଛରେ ସଂଗଠିତ ଅପରାଧର ସମ୍ପୃକ୍ତି ରହିଛି କି ନାହିଁ, ତାହା ତଦନ୍ତ ପରେ ସ୍ପଷ୍ଟ ହେବ।
