Nushrratt Bharuccha: ଦୁର୍ଘଟଣାରେ ମେରୁଦଣ୍ଡରେ ଫ୍ରାକ୍ଚର, ସର୍ଜରୀ ପାଇଁ ବାଲିରୁ ମୁମ୍ବାଇ ଆସିବେ ନୁଶରତ୍
ମୁମ୍ବାଇ: ଅଭିନେତ୍ରୀ ନୁଶରତ୍ ଭରୁଚା ଦୁର୍ଘଟଣାରେ ଆହତ ହୋଇଛନ୍ତି। ତାଙ୍କ ମେରୁଦଣ୍ଡରେ ଫ୍ରାକ୍ଚର ହୋଇଥିବାରୁ ସର୍ଜରୀ ପାଇଁ ତାଙ୍କୁ ବାଲିରୁ ମୁମ୍ବାଇ ଏୟାରଲିଫ୍ଟ କରାଯିବ। ଘଟଣା ପରେ ନୁଶରତ୍ଙ୍କୁ ବାଲିର ଏକ ହସ୍ପିଟାଲରେ ଭର୍ତ୍ତି କରାଯାଇ ଡାକ୍ତରୀ ନିରୀକ୍ଷଣରେ ରଖାଯାଇଥିଲା।
ନୁଶରତ୍ଙ୍କ ପବ୍ଲିସିଷ୍ଟଙ୍କ ସୂଚନା ଅନୁସାରେ, ତାଙ୍କୁ ଏୟାର ଆମ୍ବୁଲାନ୍ସ ଯୋଗେ ମୁମ୍ବାଇ ଅଣାଯିବ। ସେଠାରେ ତାଙ୍କ ମେରୁଦଣ୍ଡର ସର୍ଜରୀ କରାଯିବାକୁ ଯୋଜନା ରହିଛି। ନୁଶରତ୍ ଏକ କାମ ପାଇଁ ବାଲି ଯାଇଥିଲେ ଏବଂ ପରେ ସେଠାରେ ଆଉ କିଛି ଦିନ ରହିଥିଲେ। ଏହି ସମୟରେ ଦୁର୍ଘଟଣା ଘଟିଥିବା ଜଣାପଡ଼ିଛି।
ବର୍ତ୍ତମାନ ନୁଶରତ୍ଙ୍କ ଚିକିତ୍ସା ଓ ସୁସ୍ଥ ହେବା ଉପରେ ଧ୍ୟାନ ଦିଆଯାଉଛି। ସର୍ଜରୀ ପରେ ତାଙ୍କ ସ୍ୱାସ୍ଥ୍ୟ ସମ୍ପର୍କରେ ଅଧିକ ତଥ୍ୟ ସାମ୍ନାକୁ ଆସିବ।
