ASI Sukhchain Singh: ଡ୍ୟୁଟିରୁ ଘରକୁ ଫେରୁଥିବା ବେଳେ ପୋଲିସ ଅଧିକାରୀଙ୍କୁ ଗୁଳିମାଡ଼
ପଞ୍ଜାବ: ଅମୃତସରର ଅଜନାଲା ତହସିଲରେ GRPରେ କାର୍ଯ୍ୟରତ ASI ସୁଖଚୈନ ସିଂହଙ୍କୁ ଗୁଳିମାଡ଼ ହୋଇଛି। ରିପୋର୍ଟ ଅନୁସାରେ, ଡ୍ୟୁଟି ସାରି ସେ ଘରକୁ ଫେରୁଥିବା ବେଳେ ୩ ଜଣ ବ୍ୟକ୍ତି ତାଙ୍କ ପିଛା କରିଥିଲେ। ଅଜନାଲା ଅଞ୍ଚଳରେ ସେମାନେ ତାଙ୍କ ଉପରକୁ ଗୁଳି ଚଳାଇଥିବା ବେଳେ ଗୋଟିଏ ଗୁଳି ତାଙ୍କ ବାହୁରେ ବାଜିଥିଲା।
ଘଟଣା ପରେ ଆହତ ASIଙ୍କୁ ତୁରନ୍ତ ଅଜନାଲା ସିଭିଲ୍ ହସ୍ପିଟାଲରେ ଭର୍ତ୍ତି କରାଯାଇଛି। ଡାକ୍ତରଙ୍କ ଅନୁସାରେ, ତାଙ୍କ ସ୍ୱାସ୍ଥ୍ୟାବସ୍ଥା ସ୍ଥିର ରହିଛି। ଘଟଣା ସମୟରେ ସୁଖଚୈନ ସିଂହ ପୋଲିସ ୟୁନିଫର୍ମରେ ନଥିଲେ ବୋଲି ଜଣାପଡ଼ିଛି।
ସୁଖଚୈନ ସିଂହଙ୍କ କହିବା ଅନୁସାରେ, ତାଙ୍କୁ କେହି ଚିହ୍ନି ଆକ୍ରମଣ କରିପାରନ୍ତି ବୋଲି ସେ ଆଶଙ୍କା କରିଥିଲେ। ଏବେ ପୋଲିସ ଘଟଣାର ତଦନ୍ତ ଆରମ୍ଭ କରି ଗୁଳିମାଡ଼ କରିଥିବା ବ୍ୟକ୍ତିମାନଙ୍କ ପରିଚୟ ଏବଂ ଆକ୍ରମଣ ପଛର କାରଣ ଖୋଜୁଛି।
