Gwalior Momo Dispute: ୨୦ ଟଙ୍କାର ମୋମୋକୁ ନେଇ ବିବାଦ, ଛାତ୍ରଙ୍କ ଉପରେ ମୋମୋ ବିକ୍ରେତା ଗରମ ତେଲ ଫିଙ୍ଗିଥିବା ଅଭିଯୋଗ
ମଧ୍ୟପ୍ରଦେଶ: ମଧ୍ୟପ୍ରଦେଶର ଗ୍ୱାଲିୟର ହଜିରା ଅଞ୍ଚଳରେ ମାତ୍ର ୨୦ ଟଙ୍କାର ମୋମୋକୁ ନେଇ ବିବାଦ ହିଂସାତ୍ମକ ରୂପ ନେଇଥିବା ଅଭିଯୋଗ ହୋଇଛି। ୧୮ ବର୍ଷୀୟ ଜଣେ ଛାତ୍ର ମୋମୋ ଅର୍ଡର କରିଥିବା ବେଳେ ଆଶାଠାରୁ କମ୍ ମୋମୋ ମିଳିଥିବା ନେଇ ବିକ୍ରେତାଙ୍କୁ ଅଭିଯୋଗ କରିଥିଲେ। ଏହାକୁ ନେଇ ଦୁଇ ପକ୍ଷ ମଧ୍ୟରେ କଥା କଟାକଟି ହୋଇଥିବା ଜଣାପଡ଼ିଛି।
ଅଭିଯୋଗ ଅନୁସାରେ, ବିବାଦ ବଢ଼ିବା ପରେ ମୋମୋ ବିକ୍ରେତା ଛାତ୍ରଙ୍କ ଉପରକୁ ଗରମ ତେଲ ଫିଙ୍ଗିଥିଲେ। ଏଥିରେ ଛାତ୍ରଙ୍କ ମୁହଁ ଓ କାନରେ ଗୁରୁତର ପୋଡ଼ା ଆଘାତ ହୋଇଥିବା କୁହାଯାଇଛି। ଘଟଣା ପରେ ଅଭିଯୁକ୍ତ ବିକ୍ରେତା ସେଠାରୁ ପଳାଇ ଯାଇଥିବା ଅଭିଯୋଗ ହୋଇଛି।
ଘଟଣା ସମ୍ପର୍କରେ ପୋଲିସରେ ଅଭିଯୋଗ ପରେ ମାମଲା ରୁଜୁ କରାଯାଇଛି। ଅଭିଯୁକ୍ତଙ୍କୁ ଧରିବା ସହ ଘଟଣାର ସମ୍ପୂର୍ଣ୍ଣ କାରଣ ଜାଣିବା ପାଇଁ ପୋଲିସ ତଦନ୍ତ ଆରମ୍ଭ କରିଛି।
