Premanand Maharaj Update: ପ୍ରେମାନନ୍ଦ ମହାରାଜଙ୍କ ଆଶ୍ରମରେ ବଦଳିଲା ନିୟମ, ଦୀକ୍ଷା ଏବଂ ପ୍ରବଚନ ଉପରେ ଲାଗିଲା ଅନିର୍ଦ୍ଦିଷ୍ଟକାଳୀନ ରୋକ
ଉତ୍ତରପ୍ରଦେଶ: ବୃନ୍ଦାବନସ୍ଥିତ ପ୍ରେମାନନ୍ଦ ମହାରାଜଙ୍କ ଆଶ୍ରମରେ ନିକଟରେ କିଛି ନିୟମରେ ପରିବର୍ତ୍ତନ ହୋଇଥିବା ରିପୋର୍ଟ ସାମ୍ନାକୁ ଆସିଛି। ରିପୋର୍ଟ ଅନୁସାରେ, ଅକ୍ଟୋବର ୧ରୁ କେଲି କୁଞ୍ଜରେ ଫାଇନାଲ୍ ଦୀକ୍ଷା ଏବଂ କିଛି ଦର୍ଶନ ବ୍ୟବସ୍ଥାକୁ ଅନିର୍ଦ୍ଦିଷ୍ଟକାଳ ପାଇଁ ବନ୍ଦ କରାଯାଇଛି। ଏହା ପରେ ସୋସିଆଲ ମିଡିଆରେ ପ୍ରେମାନନ୍ଦ ମହାରାଜଙ୍କ ନିୟମିତ ପ୍ରବଚନ ଓ ନୂଆ ଶିଷ୍ୟ ଗ୍ରହଣକୁ ନେଇ ବିଭିନ୍ନ ଦାବି ଚର୍ଚ୍ଚାରେ ରହିଛି।
ଆଶ୍ରମର ଏହି ପରିବର୍ତ୍ତନ ଜଣେ ଶିଷ୍ୟଙ୍କ ମୃତ୍ୟୁ ପରେ ସୁରକ୍ଷା ଓ ବ୍ୟବସ୍ଥାକୁ ନେଇ ନିଆଯାଇଥିବା ପଦକ୍ଷେପ ସହ ଜଡ଼ିତ ବୋଲି ବିଭିନ୍ନ ରିପୋର୍ଟରେ କୁହାଯାଇଛି। ଏହା ସହ ଆଶ୍ରମ ପକ୍ଷରୁ ଅପୁଷ୍ଟ ତଥ୍ୟ, ଗୁଜବ ଓ ଅନୁମାନ ଆଧାରରେ କୌଣସି ଦାବି ନକରିବାକୁ ଅନୁରୋଧ କରାଯାଇଛି।
ତେବେ ପ୍ରେମାନନ୍ଦ ମହାରାଜ ସମ୍ପୂର୍ଣ୍ଣ ଭାବେ ନିୟମିତ ପ୍ରବଚନ ବନ୍ଦ କରିଦେବେ କିମ୍ବା ଆଗକୁ ନୂଆ ଶିଷ୍ୟ ଗ୍ରହଣ କରିବେ ନାହିଁ—ଏନେଇ ନିଶ୍ଚିତ ଅଧିକାରିକ ଘୋଷଣା ମିଳିନାହିଁ। ଆଶ୍ରମରୁ ଅଧିକାରିକ ସୂଚନା ଆସିବା ପରେ ହିଁ ଏହା ଗୁଜବ କି ସତ ତାହା ଜଣାପଡିବ |
