Mumbai Indians: IPL 2027 ପୂର୍ବରୁ ମୁମ୍ବାଇ ଇଣ୍ଡିଆନ୍ସର ବ୍ୟାଟିଂ କୋଚ୍ ହେଲେ ରବିନ୍ ଉଥପ୍ପା, ଦଳର କୋଚିଂ ଷ୍ଟାଫ୍ରେ ବଡ଼ ପରିବର୍ତ୍ତନ
ନୂଆଦିଲ୍ଲୀ: ଆଇପିଏଲ୍ ୨୦୨୭ ସିଜନ୍ ପୂର୍ବରୁ ମୁମ୍ବାଇ ଇଣ୍ଡିଆନ୍ସ ନିଜର କୋଚିଂ ଟିମ୍ରେ ପରିବର୍ତ୍ତନ କରିଛି। ପୂର୍ବତନ ଭାରତୀୟ ବ୍ୟାଟର୍ ରବିନ୍ ଉଥପ୍ପାଙ୍କୁ ଦଳର ନୂଆ ବ୍ୟାଟିଂ କୋଚ୍ ଭାବେ ନିଯୁକ୍ତ କରାଯାଇଛି। ୪୦ ବର୍ଷୀୟ ଉଥପ୍ପା ୨୦୦୭ରେ ଭାରତ ପ୍ରଥମ ଥର ଟି-୨୦ ବିଶ୍ୱକପ୍ ଜିତିଥିବା ଦଳର ସଦସ୍ୟ ଥିଲେ। ଆଇପିଏଲ୍ର ପ୍ରଥମ ସିଜନ୍ରେ ସେ ମୁମ୍ବାଇ ଇଣ୍ଡିଆନ୍ସ ପକ୍ଷରୁ ମଧ୍ୟ ଖେଳିଥିଲେ।
ଏହାପୂର୍ବରୁ ମୁମ୍ବାଇ ଇଣ୍ଡିଆନ୍ସ ବୋଲିଂ କୋଚ୍ ଲସିଥ୍ ମାଲିଙ୍ଗା ଓ ପାରସ୍ ମାମ୍ବ୍ରେଙ୍କ ସହ ଫିଲ୍ଡିଂ କୋଚ୍ କାର୍ଲ ହପକିନ୍ସନ୍ଙ୍କ ସହ ସମ୍ପର୍କ ଶେଷ କରିଥିଲା। ଗତ ସପ୍ତାହରେ ଦଳର ବ୍ୟାଟିଂ କୋଚ୍ କିରନ୍ ପୋଲାର୍ଡଙ୍କୁ ମୁଖ୍ୟ କୋଚ୍ ଭାବେ ଦାୟିତ୍ୱ ଦିଆଯାଇଥିଲା। ଏହାଦ୍ୱାରା ଦୀର୍ଘଦିନ ଧରି ମୁଖ୍ୟ କୋଚ୍ ଥିବା ମହେଲା ଜୟବର୍ଦ୍ଧନେଙ୍କ ସ୍ଥାନରେ ପୋଲାର୍ଡ ଦାୟିତ୍ୱ ନେଇଛନ୍ତି।
ଲଗାତାର ନିଯୁକ୍ତି ଓ ପରିବର୍ତ୍ତନ ମାଧ୍ୟମରେ ମୁମ୍ବାଇ ଇଣ୍ଡିଆନ୍ସ ଆଗାମୀ ସିଜନ୍ ପାଇଁ ନିଜର ସହାୟକ କୋଚିଂ ଟିମ୍କୁ ନୂଆ ରୂପ ଦେଉଛି। ଉଥପ୍ପାଙ୍କ ଅଭିଜ୍ଞତା ଏବଂ ପୋଲାର୍ଡଙ୍କ ନେତୃତ୍ୱରେ ଦଳ ୨୦୨୭ ଆଇପିଏଲ୍ ପାଇଁ ପ୍ରସ୍ତୁତି କରିବ।
