ହେମନ୍ତ କୁମାର ବେହେରା19/06/2023 at 4:23 PM
ଖଡ଼ିଆଳ : ଖଡିଆଳ ବ୍ଲକ ଆରେଡ଼ା ପଞ୍ଚାୟତର ବଡମୁଳା ଗ୍ରାମରେ ଆମ୍ ଆଦମୀ ପାର୍ଟି ନୂଆପଡା ତରଫରୁ ବିଧାନସଭା ବିଜୁଳୀ ଆନ୍ଦୋଳନ ପାଇଁ ଜନସମ୍ପର୍କ ଅଭିଯାନ କରାଯାଇଥିଲା | ଜିଲ୍ଲା ଉପ ସଭାପତି ଚୈତନ୍ୟ ତାଣ୍ଡି ମଞ୍ଚ ପରିଚାଳନାରେ ଅନୁଷ୍ଠିତ ବୈଠକରେ ଜିଲ୍ଲା ଆବାହକ ଶୋକନାଥ ସେନାପତି ସଭାପତିତ୍ବ କରିଥିଲେ । ଆମ୍ ଆଦମୀ ପାର୍ଟିର ସଫଳ ରାଜନୀତି ଓ ବିଚାରଧାରା ଉପରେ ସଭାପତି ବିସ୍ତୃତ ଭାବରେ ଜଣାଇଥିଲେ | ଜିଲ୍ଲା ସାଧାରଣ ସମ୍ପାଦକ ଚମ୍ପେଶ୍ୱର ବନଛୋର ଆସନ୍ତା ଜୁଲାଇ ୭ ତାରିଖରେ ଖଡିଆଳ ଠାରେ ହେବାକୁ ଥିବା ବିଧାନସଭା ବିଜୁଳି ଆନ୍ଦୋଳନରେ ବହୁ ସଂଖ୍ୟାରେ ଯୋଗଦେବା ପାଇଁ ଆହ୍ଵାନ କରିଥିଲେ | ସଭାରେ ଆପ୍ ଖଡିଆଳ ବ୍ଲକ ଉପ ସଭାପତି ମଧ୍ୟ ଉପସ୍ଥିତ ଥିଲେ | ଗାଁର ବିଭିନ୍ନ ସମସ୍ୟା ଉପରେ ଆଲୋଚନା କରାଯାଇଥିଲା| ଗାଁର ରାସ୍ତା ମଧ୍ୟରେ ଥିବା ପୋଲକୁ ଘୁଞ୍ଚାଇବା ପାଇଁ ଗ୍ରାମବାସି ଅନୁରୋଧ କରିଥିଲେ|