ସୌମିତ୍ରି ମେହେର21/06/2023 at 7:58 PM
ବୀରମହାରାଜପୁର : ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ବ୍ଲକ କୋଟସମଲାଇ ଗ୍ରାମପଞ୍ଚାୟତ ଅନ୍ତର୍ଗତ ସାରସଦାଦର ଠାରେ ନିର୍ମିତ ରମ୍ଭାକଟା ଅମୃତସରୋବର ପରିସରରେ ଗ୍ରାମପଞ୍ଚାୟତ ସ୍ତରୀୟ ଯୋଗ ଦିବସ ଆଜି ପାଳିତ ହୋଇଯାଇଛି l ଉକ୍ତ କାର୍ଯ୍ୟକ୍ରମ ରେ ମୁଖ୍ୟ ଅତିଥି ଭାବେ ସ୍ଥାନୀୟ ସରପଞ୍ଚ ଶ୍ରୀମତୀ ବେଦମତୀ ମେଣ୍ଡିଲି ଯୋଗ ଦେଇଥିଲେ l ପ୍ରଶିକ୍ଷକ ଭାବେ ଯୋଗ ପ୍ରଶିକ୍ଷକ ସତ୍ୟଜିତ ଗଡୁଆ ଯୋଗ କରିବା ଦ୍ୱାରା ଶରୀର ର ଉନ୍ନତି ତଥା ରୋଗ ପ୍ରତିରୋଧକ ଶକ୍ତି ବଢ଼ାଇ ଥାଏ ବୋଲି ବୁଝାଇବା ସହ “କର ଯୋଗ ରୁହ ନିରୋଗ” ମନ୍ତ୍ର ନେଇ ପଦ୍ମାସନ ରୁ ଯୋଗ ଆରମ୍ଭ କରିଥିଲେ l ଅଂଚଳର ସମସ୍ତ ବର୍ଗର ପୁରୁଷ ଓ ମହିଳା ମାନଙ୍କୁ ନେଇ ଯୋଗ କାର୍ଯ୍ୟକ୍ରମ କରାଯାଇଥିଲା l ଉକ୍ତ କାର୍ଯ୍ୟକ୍ରମରେ ପ୍ରାକ୍ତନ ସରପଞ୍ଚ ସତ୍ୟାନନ୍ଦ ମେଣ୍ଡିଲି, ନିର୍ବାହୀ ଅଧିକାରୀ ଶ୍ରବଣ କୁମାର କମ୍ପ, ଚନ୍ଦନ କୁମାର ପାଢ଼ୀ, ପୁଷ୍ପାଞ୍ଜଳି ବାରିକ, ସଂଗୀତା ପାତ୍ର, ଚିତ୍ରାବତୀ କର୍ମୀ ଙ୍କ ସମେତ ବହୁ ସଂଖ୍ୟାରେ ଯୋଗ କରିବା ପାଇଁ ଭାଗ ନେଇଥିଲେ l