TCS ରେ ନିଯୁକ୍ତି ଘୋଟାଲା; ଚାକିରି ବଦଳରେ ୧୦୦ କୋଟି ଲାଞ୍ଚ କାରବାର
ନୂଆଦିଲ୍ଲୀ: ତେବେ ଆପଣ ସରକାରୀ ଚାକିରି ବଦଳରେ ଲାଞ୍ଚ ନେଉଥିବା ବିଷୟରେ ନିଶ୍ଚିତ ଅବଗତ ଥିବେ। କିନ୍ତୁ ବର୍ତ୍ତମାନ ଲୋକମାନେ ବ୍ୟକ୍ତିଗତ ଚାକିରି ପାଇଁ ମଧ୍ୟ ଲାଞ୍ଚ ଦେଉଛନ୍ତି। ଦେଶର ଏକ ବୃହତ୍ତମ ତଥା ପ୍ରତିଷ୍ଠିତ ଆଇଟି କମ୍ପାନୀ ଟିସିଏସରୁ ଏଭଳି ଘଟଣା ସାମନାକୁ ଆସିଛି। ଟାଟାର ଟେକ୍ କମ୍ପାନୀ ଟାଟା କନ୍ସଲ୍ଟାନ୍ସ ସର୍ଭିସେସ୍ ଲିମିଟେଡ୍ (ଟିସିଏସ୍) କୁ ନେଇ ଏକ ବଡ଼ ଖୁଲାସା ହୋଇଛି। TCS ରେ ନିଯୁକ୍ତି ଘୋଟାଲାକୁ ନେଇ ବଡ ଖୁଲାସା ହୋଇଛି। ଟିସିଏସରେ ଚାକିରି ବଦଳରେ କୋଟି କୋଟି ଟଙ୍କା ଲାଞ୍ଚ ନିଆଯାଉଥିବା ଜଣାପଡିଛି। ଗତ ତିନିବର୍ଷ ମଧ୍ୟରେ ଟିସିଏସ୍ ୫୦ ହଜାର ଲୋକଙ୍କୁ ଚାକିରି ଦେଇଛି। କିନ୍ତୁ ବର୍ତ୍ତମାନ ଏହି ଚାକିରି ସହ ଜଡିତ ଦୁର୍ନୀତି ମାମଲା ପଦାରେ ପଡିଛି। ସୂଚନା ଅନୁଯାୟୀ କିଛି ବରିଷ୍ଠ ଅଧିକାରୀ ନିଯୁକ୍ତି ବଦଳରେ ଲାଞ୍ଚ ନେଇଥିବା ଜଣାପଡିଛି। ଲାଞ୍ଚ ବଦଳରେ ନିଯୁକ୍ତି ପ୍ରକ୍ରିୟାର ଆପୋଷ ବୁଝାମଣା ହୋଇଥିଲା।
ସୂଚନା ଅନୁଯାୟୀ ଦେଶର ବୃହତ୍ତମ ଆଇଟି କମ୍ପାନୀ ଟିସିଏସ୍ ରେ ଚାକିରି ପାଇବା ପାଇଁ କୋଟି କୋଟି ଟଙ୍କା କମିଶନ ନିଆଯାଇଛି। କମ୍ପାନୀର ବଡ ପଦାଧିକାରୀମାନେ ଏହି ଚାକିରି ଦୁର୍ନୀତିରେ ଜଡିତ ଅଛନ୍ତି। ଏହି ଅଧିକାରୀମାନେ ନୂତନ ନିଯୁକ୍ତି ବଦଳରେ ପରାମର୍ଶଦାତା କର୍ମଚାରୀ ସଂସ୍ଥାଗୁଡ଼ିକରୁ ବହୁ କମିଶନ ନେଇଛନ୍ତି। ଖବର ଅନୁଯାୟୀ ଏହି ଜବ୍ ସ୍କାମରେ ଅତି କମରେ ୧୦୦ କୋଟି ଟଙ୍କାର ଲାଞ୍ଚ କାରବାର ହୋଇଥିବା ଜଣାପଡିଛି।
