ସୌମିତ୍ରି ମେହେର30/06/2023 at 9:33 AM
ବୀରମହାରାଜପୁର : ସୁବର୍ଣ୍ଣପୁର ଜିଲା ବୀରମହାରାଜପୁର ବ୍ଲକ ସୁବଳୟା ଉଚ୍ଚ ବିଦ୍ୟାଳୟ ନିକଟରେ ଥିବା ବିରାଟକାୟ ବରଗଛଟି ଭାଙ୍ଗି ରାସ୍ତା ଅବରୋଧ ହେବା ସହିତ ଯାତାୟାତ ଓ ବିଦ୍ୟୁତ ସେବା ବାଧପ୍ରାପ୍ତ ହୋଇଛି । ସୁଚନାମତେ ବହୁ ପୁରୁଣା ଗଛ ହୋଇଥିବାରୁ ଗତ ଗୁରୁବାର ମଧ୍ୟରାତ୍ରୀରେ ବରଗଛ ର ଏକ ପାର୍ଶ୍ଵ ଭାଙ୍ଗିଯାଇ ମୁଖ୍ୟରାସ୍ତା ଉପରେ ପଡିଥିଲା । ଗଛ ଟି ରାସ୍ତା ଉପରେ ପଡିଯିବାରୁ ଉକ୍ତ ରାସ୍ତାରେ ଯାତାୟତ କରିବା ସମ୍ପୂର୍ଣ୍ଣ ବନ୍ଦ ହୋଇଯାଇଛି । ଏହା ସହିତ ଗଛ ଟି ବିଦ୍ୟୁତ ତାର ଉପରେ ପଡିଯିବା ରୁ ବିଦ୍ୟୁତ ସେବା ମଧ୍ୟ ବ୍ୟାହାତ ହୋଇ ଯାଇଥିଲା । ବୀରମହାରାଜପୁର ଅଗ୍ନିଶମ କର୍ମଚାରୀ ମାନେ ଘଟଣା ସ୍ଥଳରେ ପହଞ୍ଚି ରାସ୍ତାରୁ ଗଛ କାଟି ସଫା କରିଥିବା ବେଳେ ବିଦ୍ୟୁତ କର୍ମଚାରୀ ମାନେ ବିଦ୍ୟୁତ ସେବା କୁ ସ୍ବାଭାବିକ କରିବା ପାଇଁ ଲାଗିଛନ୍ତି ।