ପିଏମ ଡିଗ୍ରୀ ମାମଲା: କେଜରିଓ୍ଵାଲଙ୍କ ପୁନର୍ବିଚାର ଯାଚିକା ଉପରେ ଜୁଲାଇ ୨୧ରେ ଶୁଣାଣି କରିବେ ହାଇକୋର୍ଟ
ଅହମ୍ମଦାବାଦ: ଗୁଜରାଟ ହାଇକୋର୍ଟ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଡିଗ୍ରୀ ସମ୍ବନ୍ଧିତ ମାମଲାରେ ଦିଲ୍ଲୀର ମୁଖ୍ୟମନ୍ତ୍ରୀ ଅରବିନ୍ଦ କେଜରିଓ୍ଵାଲଙ୍କ ଦ୍ଵାରା ଦାୟର ଯାଚିକା ଉପରେ ଶୁଣାଣି ଜୁଲାଇ ୨୧ ପର୍ୟ୍ୟନ୍ତ ସ୍ଥଗିତ କରିଛନ୍ତି। ଗୁଜରାଟ ବିଶ୍ଵ ବିଦ୍ୟାଳୟ ପକ୍ଷରୁ ଅଦାଲତରେ ଉପସ୍ଥିତ ସଲିସିଟର ଜେନେରାଲ ତୁଷାର ମେହଟ୍ଟା କେଜରିଓ୍ଵାଲଙ୍କ ଦ୍ଵାରା ଦାଖଲ ପ୍ରତିଉତ୍ତର ଡ୍ରାଫ୍ଟ ପଢିବା ପାଇଁ ସମୟ ମାଗିଛନ୍ତି। ଯାହା ପରେ ବିଚାରପତି ବିରେନ ବୈଷ୍ଣବ ଶୁଣାଣି ସ୍ଥଗିତ ରଖିଛନ୍ତି।
ସଲିସିଟର ଜେନେରାଲ ଅଦାଲତକୁ ଜଣାଇଛନ୍ତି ଯେ, ଶୁକ୍ରବାର ଶୁଣାଣି ଆରମ୍ଭ ହେବାର କିଛି ସମୟ ପୂର୍ବରୁ ତାଙ୍କୁ ଏହି ଡ୍ରାଫ୍ଟ ମିଳିଛି, ଯାହା ଅଦାଲତଙ୍କ ଗତ ଶୁଣାଣିର କପି। କେଜରିଓ୍ଵାଲଙ୍କ ଦ୍ଵାରା ଦାଖଲ ସତ୍ୟପାଠ ନ ପଢି ବିତର୍କ କରିବା ବଡ଼ ମୁସ୍କିଲ ବୋଲି ବୈଷ୍ଣବ କହିଛନ୍ତି। କେଜରିଓ୍ଵାଲଙ୍କ ପକ୍ଷରୁ ସତ୍ୟପାଠ ବରିଷ୍ଠ ଆଇନଜୀବୀ ପାର୍ସି କବିତା ଦାଖଲ କରିଛନ୍ତି।
କେଜରିଓ୍ଵାଲଙ୍କ ଦ୍ଵାରା ରଖାଯାଇଥିବା ପ୍ରମୁଖ ତର୍କ ମଧ୍ୟରୁ ଗୋଟିଏ ହେଉଛି ମୋଦୀଙ୍କ ଡିଗ୍ରୀ ଅନଲାଇନରେ ଉପଲବ୍ଧ ତଥ୍ୟ ଗୁଜରାଟ ବିଶ୍ଵ ବିଦ୍ୟାଳୟର ଦାବି ବିପରୀତ ରହିଛି। ଏମିତି କୌଣସି ଡିଗ୍ରୀ ଓ୍ଵେବସାଇଟରେ ଉପଲବ୍ଧ ନାହିଁ। ମାର୍ଚ୍ଚରେ ଜଷ୍ଟିସ ବୈଷ୍ଣବ ସିଆଇସିର ଆଦେଶ ବିରୋଧରେ ଗୁଜରାଟ ବିଶ୍ଵ ବିଦ୍ୟାଳୟର ଅପିଲକୁ ଅନୁମତି ଦେଇଥିଲେ ଏବଂ କେଜରିଓ୍ଵାଲଙ୍କ ଉପରେ ୨୫ ହଜାର ଟଙ୍କା ଜରିମାନା ଲଗାଇଥିଲେ। ତେବେ ପୁଣି ଥରେ ଗୁଜରାଟ ହାଇକୋର୍ଟ କେଜରିଓ୍ଵାଲଙ୍କ ସତ୍ୟପାଠ ଉପରେ ପୁନର୍ବିଚାର କରିବାକୁ ନିଷ୍ପତ୍ତି ନେଇଛନ୍ତି, ଯାହାର ଶୁଣାଣି ଜୁଲାଇ ୨୧ରେ ହେବାର ସମ୍ଭାବନା ରହିଛି।
