ପ୍ରଜ୍ଞା ପଟ୍ଟନାୟକ3/07/2023 at 12:28 PM
ଭୁବନେଶ୍ବର: ରାଜଧାନୀରେ ଲୁଟେରାଙ୍କ ଉତ୍ପାତ। ଆଇପିଏସ୍ଙ୍କ ପରିବାରକୁ ବି ଛାଡିଲେନି ଲୁଟେରା। ଗତକାଲି ବିଳମ୍ବିତ ରାତିରେ ଲୁଟର ଶିକର ହୋଇଛନ୍ତି IPS ସାଗରିକା ନାଥଙ୍କ ବାପା ଓ ମା । ସାଗରିକା ଏବେ ବାଲେଶ୍ବର ଜିଲ୍ଲାରେ ଆପିଏସ ଭାବେ କାର୍ଯ୍ୟରତ। ଗତକାଲି ଘାଟିକିଆ ରାସ୍ତାରେ ଲୁଟର ଶିକାର ହୋଇଛନ୍ତି IPS ସାଗରିକାଙ୍କ ବାପା,ମା ।
ସୂଚନା ଅନୁସାରେ, ଗତକାଲି ବିଳମ୍ବିତ ରାତିରେ ଆମ୍ରି ହସ୍ପିଟାଲ ନିକଟସ୍ଥ ସତ୍ୟସାଇ ଏନକ୍ଲେଭ ସ୍ଥିତ ନିଜ ବାସଭବନକୁ ଫେରୁଥିଲେ ସାଗରିକାଙ୍କ ବାପା ଓ ମା । ସେହି ସମୟରେ ୨ଜଣ ଦୁର୍ବୁତ୍ତ ବାଇକ ଯୋଗେ ଆସି ସେମାନଙ୍କ କାର ଅଟକାଇବା ସହ ସେମାନଙ୍କ ଠାରୁ ଲୁଟ ଉଦ୍ୟମ କରିଥିଲେ । ସାଗରିକାଙ୍କ ବାପା ପ୍ରତିରୋଧ କରିବାରୁ ଉଭୟଙ୍କ ମଧ୍ୟରେ ଧସ୍ତାଧସ୍ତି ହୋଇଥିଲା। ଶେଷରେ ଦୁର୍ବୁତ୍ତମାନେ ସାଗରିକାଙ୍କ ବାପା, ମାଙ୍କ ଠାରୁ ଟଙ୍କା ଓ ସୁନା ଗହଣା ଛଡ଼ାଇନେବାରେ ସଫଳ ହୋଇଥିଲେ । ଏନେଇ ଭରତପୁର ଥାନାରେ ଏତଲା ଦେଇଛନ୍ତି ସାଗରିକାଙ୍କ ବାପା, ମା । ଘଟଣାର ଖୋଳତାଡ କରୁଥିବା ପୋଲିସ ପକ୍ଷରୁ କୁହାଯାଇଛି।