ରାଜୀବ ଲୋଚନ ମିଶ୍ର5/07/2023 at 9:59 PM
ଗୋପାଳପୁର,୦୫/୦୭ ଗୋଳନ୍ଥରା ଥାନା ଅନ୍ତର୍ଗତ କନିଷି ଗାଁ ନିକଟ ଜାତୀୟ ରାଜପଥ କଡ଼ରେ ସନ୍ଦେହ ଜନକ ଅବସ୍ଥାରେ ପାର୍କିଂ କରି ରଖାଯାଇଥିବା ଏକ କାରରୁ ଗୋଳନ୍ଥରା ପୋଲିସ ୨ ଶହ ୬ କେଜି ଗଂଜେଇ ଜବତ କରିଥିବା ଜଣାପଡିଛି l ଘଟଣା ସ୍ଥଳରୁ ଆସାମୀ ଫେରାର ହୋଇଯାଇଥିବା ପୋଲିସ ସୂଚନା ଦେଇଛି l ମିଳିଥିବା ସୂଚନା ଅନୁଯାଇ, ମଙ୍ଗଳବାର ରାତି ସାଢେ ୧୦ଟା ବେଳେ (ଏମ ଏଚ ୦୪ ଇ ଏକ୍ସ ୩୮୮୭ ) ଏକ କାର କନିଷି ଗାଁ ନିକଟରେ ସନ୍ଦେହ ଜନକ ଅବସ୍ଥାରେ ରାଜପଥ କଡ଼ ରେ ପାର୍କି କରାଯାଇଥିବା l ଗୋଳନ୍ଥରା ପୋଲିସ ପେଟ୍ରୋଲିଙ୍ଗ ସମୟରେ ଉକ୍ତ ଗାଡିକୁ ଯାଞ୍ଚ କରି ଥିଲେ l ଯାଞ୍ଚ ସମୟରେ କାର ର ଡିକିରେ ଗଂଜେଇ ଥିବା ଜାଣିବାକୁ ପାଇଥିଲା l ଘଟଣା ସ୍ଥଳରୁ ଚାଳକ ଫେରାର ହୋଇଯାଇଥିବା ଜଣାପଡିଛି l ପୋଲିସ କାର ଟିକୁ ଜବତ କରିବା ସହ ୨ଶହ ୬ କେଜି ଗଞ୍ଜେଇ ଜବତ କରି ଥାନା କେଶ ନଂ ୩୦୮/୨୩ ରେ ଏକ ମାମଲା ରୁଜୁ କରିବା ସହ କାର କୋଉଠି ରୁ ଯାଉଥିଲା ଆଉ ଏଥିରେ କେଉଁମାନେ ସମ୍ପୃକ୍ତ ତାହା ନେଇ ତଦନ୍ତ ଜାରୀ ରଖିଛି l