ସୌମିତ୍ରି ମେହେର17/07/2023 at 10:08 AM
ବୀରମହାରାଜପୁର : ସୁବର୍ଣ୍ଣପୁର ଜିଲା ବୀରମହାରାଜପୁର ବ୍ଲକ ଅନ୍ତର୍ଗତ ମୁର୍ଷୁଣ୍ଢି ସ୍ଥିତ ସ୍ବାସ୍ଥ୍ୟକେନ୍ଦ୍ର ରେ ଫାଇଲେରିଆ ନିରାକରଣ ଅଭିଯାନ ତାଲିମ ଶିବିର ଅନୁଷ୍ଠିତ ହୋଇଯାଇଛି । ସୁବର୍ଣ୍ଣପୁର ଜିଲା ସ୍ବାସ୍ଥ୍ୟ ସମିତି ଆନୁକୂଲ୍ୟରେ ଅନୁଷ୍ଠିତ ଉକ୍ତ କାର୍ଯ୍ୟକ୍ରମରେ ସିଡିଏମଓ ତଥା ପିଏଚଓ ଡା.ପାଢି , ଡl . ଅଦାବର , ଏଡିପିଏଚଓ ଡା.ସ୍ବାଇଁ , ମୁର୍ଷୁଣ୍ଢି ସ୍ବାସ୍ଥ୍ୟକେନ୍ଦ୍ର ର ଡା.ସିବାନନ୍ଦ ଚାଉଲିଆ , ଆୟୁସ ଡାକ୍ତର ଡା.ପ୍ରଣବ ମହାପାତ୍ର ଏବଂ ଡା.ନିରୂପମା ମହାପାତ୍ର , ସ୍ବାସ୍ଥ୍ୟକର୍ମୀ ଗିରିଧାରୀ ସାହୁ ପ୍ରମୁଖ ଯୋଗଦେଇ ଫାଇଲେରିଆ ରୋଗର କାରଣ , ଲକ୍ଷଣ ଓ ନିରାକରଣ ଉପରେ ଉପସ୍ଥିତ ଆଶାକର୍ମୀମାନଙ୍କୁ ତାଲିମ ପ୍ରଦାନ କରିଥିଲେ ।ଫାଇଲେରିଆ କୀଟାଣୁ ଶରୀରରେ ପ୍ରବେଶ କରିବାର ୧୦ ରୁ ୧୫ ବର୍ଷ ପରେ ରୋଗର ଲକ୍ଷଣମାନ ଦେଖାଯାଇଥାଏ । ଏହି ରୋଗ ହେଲେ ଜ୍ବର ଆସିବା , ଦେହ , ହାତ ଘୋଳା ବିନ୍ଧା ହେବା , ଚର୍ମରେ ଲାଲ ଦାଗ ପଡିବା ଆଦି ପର୍ଯାୟକ୍ରମେ ଗୋଡ ହାତ ଫୁଲିବା , ସ୍ତନ ଫୁଲିବା , ଅଣ୍ଡକୋଷ ଫୁଲିବା ଲକ୍ଷଣ ଦେଖା ଦେଇଥାଏ । ସଠିକ ସମୟରେ ଚିକିତ୍ସା କରିବା ସହିତ ନିୟମିତ ଔଷଧ ସେବନ କଲେ ଏହି ରୋଗ ର ନିରାକରଣ ହୋଇପାରିବ ବୋଲି ଉପସ୍ଥିତ ଚିକିତ୍ସକମାନେ ମତବ୍ୟକ୍ତ କରିଥିଲେ । ପିଏଚଇଓ ସ୍ବର୍ଣ୍ଣପ୍ରଭା ଜୁଏଡ କାର୍ଯ୍ୟକ୍ରମକୁ ପରିଚାଳନା କରିଥିବା ବେଳେ ବ୍ଲକ ର ବହୁ ସ୍ବାସ୍ଥ୍ୟକର୍ମୀ ଓ ଆଶାକର୍ମୀମାନେ ଯୋଗଦେଇ ତାଲିମ ଗ୍ରହଣ କରିଥିଲେ।