ସୌମିତ୍ରି ମେହେର21/07/2023 at 7:46 PM
ବୀରମହାରାଜପୁର : ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ବ୍ଲକ ସିଣ୍ଡୋଲ ଗ୍ରାମ ସଭାଗୃହରେ ଓଡିଶା ମିଲେଟ ମିଶନ ଅଧୀନରେ ୭ ଟି ପଞ୍ଚାୟତର ଅଗ୍ରଣୀ ଚାଷୀ ଓ ସିଆରପିଙ୍କୁ ନେଇ ଶ୍ରୀ ପଦ୍ଧତିରେ ମାଣ୍ଡିଆ ଚାଷ ଉପରେ ଦୁଇ ଦିନିଆ ତାଲିମ ଶିବିର ଅନୁଷ୍ଠିତ ହୋଇଯାଇଛି l ଆୟୋଜିତ କାର୍ଯ୍ୟକ୍ରମରେ ମୁଖ୍ୟଅତିଥି ଭାବେ ଜିଲ୍ଲା କୃଷି ଅଧିକାରୀ ଏନ. ସି ସେଠି , ବ୍ଲକ କୃଷି ଅଧିକାରୀ ରଶ୍ମି ରଞ୍ଜନ ଟପ୍ପୋ ଅନ୍ୟତମ ଅତିଥିଭାବେ ଯୋଗଦେଇଥିଲେ I ଚାଷୀ ମାନଙ୍କୁ ସେମାନଙ୍କ ଉଦ୍ଧେଶ୍ୟ ସମ୍ପର୍କରେ ଜଣାଇଥିଲେ l ଅନ୍ୟ ମାନଙ୍କ ମଧ୍ୟରେ କୃଷି ବିଜ୍ଞାନ କେନ୍ଦ୍ର ସୋନପୁର ତରଫରୁ ସିନିୟର ବୈଜ୍ଞାନିକ ଶ୍ରୀଯୁକ୍ତ ବିଶ୍ୱରଂଜନ ପଟ୍ଟନାୟକ ଏବଂ ସତ୍ୟବ୍ରତ ମଙ୍ଗରାଜ ଯୋଗ ଦେଇ ଶ୍ରୀ ପଦ୍ଧତି ଉପରେ ତାଲିମ ଦେଇଥିଲେ । ଉକ୍ତ ତାଲିମ ଶିବିରରେ ଓଡିଶା ମିଲେଟ ମିଶନ ଜିଲ୍ଲା ସଂଯୋଜକ ଶ୍ରୀଯୁକ୍ତ ଭବାନୀ ଶଙ୍କର ମେହେର ପରିଚାଳନା କରିଥିବା ବେଳେ ଏଫ. ଏ ରାଧାର ବ୍ଲକ ସଂଯୋଜକ ସୁଜିତ କୁମାର ସାହୁ ଧନ୍ୟବାଦ ଅର୍ପଣ କରିଥିଲେ l ଏଥିରେ ଅତିରିକ୍ତ ବ୍ଲକ ସଂଯୋଜକ ବିନୋଦ ବେହେରା , ଗୌରବ ପ୍ରସାଦ ଦିଗାଲ , ରିଲୁ ବସ୍ତିଆ , ଜଗବନ୍ଧୁ ମେଲ୍ଲୀ ପ୍ରମୁଖ ସାହାଯ୍ୟ କରିଥିଲେ l