ସୌମିତ୍ରି ମେହେର26/07/2023 at 11:04 AM
ବୀରମହାରାଜପୁର : ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ମହାବିଦ୍ୟାଳୟର ଶିକ୍ଷା ବିଭାଗର ଅଧ୍ୟାପିକା ସୀମାରାଣୀ ବେହେରା ଓଡିଶା ଲୋକ ସେବା ଆୟୋଗ ଦ୍ବାରା ଗ୍ରୁପ-୧ ସହକାରୀ ପ୍ରଫେସର ଭାବେ ଚୟନ ହୋଇଛନ୍ତି । ଗତ ୨୩ ତାରିଖରେ ପ୍ରକାଶିତ ଚୟନ ତାଲିକାରେ ସମଗ୍ର ଓଡିଶାରେ ସେ ୭ ମ ସ୍ଥାନ ଅଧିକାର କରି ଚୟନ ହୋଇଛନ୍ତି । ସେ ପୂର୍ବରୁ ଓଡିଶା ଷ୍ଟାଫ ସିଲେକସନ ବୋର୍ଡ ଦ୍ବାରା ଚୟନ ହୋଇ ବୀରମହାରାଜପୁର ମହାବିଦ୍ୟାଳୟରେ ଶିକ୍ଷା ବିଭାଗର ଅଧ୍ୟାପକ ଭାବରେ କାର୍ଯ୍ୟ ସମ୍ପାଦନ କରୁଛନ୍ତି । ସୀମାରାଣୀ କଟକ ରେଭେନ୍ସା ବିଶ୍ବବିଦ୍ୟାଳୟରୁ ଶିକ୍ଷା ରେ ଏମଏ , ଏମଫିଲ ଡିଗ୍ରୀ ହାସଲ କରିଥିଲେ । ସେ କଟକ ଜିଲା ତୁଳସିପୁର ମଠସାହି ର କାର୍ତ୍ତିକ ଚନ୍ଦ୍ର ବେହେରା ଓ ନଳିନୀ ବେହେରା ଙ୍କ ଝିଅ ଅଟନ୍ତି । ତାଙ୍କର ଏହି ସଫଳତାରେ ବୀରମହାରାଜପୁର କଲେଜର ସମସ୍ତ ଅଧ୍ୟାପିକା ଅଧ୍ୟାପକ ଓ କଲେଜ ପରିଚାଳନା କମିଟୀ ତରଫରୁ ଶୁଭେଚ୍ଛା ପ୍ରଦାନ କରାଯାଇଛି।