ଓଡ଼ିଶା ଡଟ୍ ନ୍ୟୁଜ୍ ବ୍ୟୁରୋ1/08/2023 at 1:27 PM
ରାୟଗଡ଼ା: ଭୁଶୁଡ଼ିଲା ନିର୍ମାଣଧୀନ କଲଭର୍ଟ। ଚାଲିଗଲା ୫ ଜଣଙ୍କ ଜୀବନ। ୪ ଶିଶୁଙ୍କ ସମେତ ଘଟଣାସ୍ଥଳରେ ହିଁ 5 ଜଣଙ୍କ ପ୍ରାଣହାନୀ ଘଟିଛି। ରାୟଗଡ଼ା ଜିଲ୍ଲାର କଲ୍ୟାଣସିଂହପୁର ଉପରସାଜା ନିକଟରେ ଏହି ଦୁର୍ଘଟଣା ଘଟିଛି।
ସୂଚନା ଅନୁଯାୟୀ, ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଲକ୍ ଉପରସଜା ଗାଁ ନିକଟରେ ସୋମବାର ଏହି ବଡ଼ ଧରଣର ଅଘଟଣ ଘଟିଛି । ଲଗାଣ ବର୍ଷା ହେଉଥିବାରୁ ବ୍ରିଜତଳେ ୬ଜଣ ଗାଧୋଉଥିବା ବେଳେ ହଠାତ କଲଭର୍ଟ ଭୁଶୁଡ଼ି ପଡ଼ିବାରୁ ସେମାନେ ବ୍ରିଜ ତଳେ ଚାପି ହୋଇଯାଇଥିଲେ। ଯାହା ଫଳରେ ଏତେବଡ ଦୁର୍ଘଟଣା ଘଟିଛି। ମୃତକ ୫ ଜଣଙ୍କ ମଧ୍ୟରୁ ୪ ଜଣ ଶିଶୁ ଥିବା ଜଣାପଡିଛି । ମୃତକ ହେଲେ ଲକ୍ଷ୍ମୀଧର ମିଣିଆକା(୪୫), ପ୍ରିନ୍ସ ମିଣିଆକା, ସୁମନ ମିଣିଆକା (୫), ସାରନ ମିଣିଆକା(୫) ଓ ମନୋଜ ମିଣିଆକା (୫)। ଦୁଇଟି ପରିବାରର ଦୁଇ ଜଣ ଲେଖାଏଁ ମୃତ୍ୟୁବରଣ କରିଥିବା ବେଳେ ଅନ୍ୟ ଏକ ପରିବାର ଜଣଙ୍କର ପ୍ରାଣହାନି ଘଟିଛି।