ପ୍ରଦୀପ କୁମାର ନାୟକ18/08/2023 at 10:49 AM
ଚିପିଲିମା, ସମ୍ବଲପୁର ବୁର୍ଲାଥାନା ବସନ୍ତପୁର ପଞ୍ଚାୟତ ରେଙ୍ଗାଳିପାଲି ଅଞ୍ଚଳ ତଥା ଚିପିଲିମା ଡାଇକ ଉପରେ କିଛିଦିନ ତଳେ ଏକ ନୂଆ ବେଆଇନ ମଦଦୋକାନ ଗଢିଉଠିଥିଲା।ଉକ୍ତ ରାସ୍ତା ଦେଇ ପ୍ରତ୍ୟହ ଛାତ୍ରଛାତ୍ରୀ, ଯାତ୍ରୀ ଆଦି ଯାତାୟତ କରୁଥିବାବେଳେ, ଉକ୍ତ ରାସ୍ତାରେ ମଦ ବିକ୍ରିକୁ ନେଇ ଲୋକେ ଅସୁରକ୍ଷିତ ମଣୁଥିଲେ।ଫଳରେ ରେଙ୍ଗାଳିପାଲି ମହିଳାମାନେ ଗତ ବୁଧବାର ଏନେଇ ଚିପିଲିମା ଫାଣ୍ଡିର ଦ୍ୱାରସ୍ଥ ହୋଇଥିଲେ।ଫାଣ୍ଡି ଅଧିକାରୀ ତପନ ପ୍ରଧାନ ଏନେଇ ତତ୍ପରତା ପ୍ରକାଶ କରି ତଦନ୍ତ କରି ଉକ୍ତ ମଦ ଦୋକାନକୁ ଯାଇ ଟେବୁଲ, ଚୌକି ଆଦି ଜବତ କରି ଏନେଇ ବୁର୍ଲା ଥାନାରେ ଏକ ମାମଲା ରୁଜ୍ଜୁ କରି ଉକ୍ତ ଦୋକାନକୁ ଭାଙ୍ଗିବାକୁ ପରାମର୍ଶ ଦେଇଥିବା ଜଣାପଡିଛି।