ସୌମିତ୍ରି ମେହେର5/09/2023 at 3:14 PM
ବୀରମହାରାଜପୁର : ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ସ୍ଥିତ ସ୍ଥାନୀୟ ସରକାରୀ ବାଳକ ହାଇସ୍କୁଲ ରେ ସୋମବାର ଦିନ ବ୍ଲକ ସ୍ତରୀୟ ବିଜ୍ଞାନ ନାଟକ ପ୍ରତିଯୋଗିତା ଅନୁଷ୍ଠିତ ହୋଇ ଯାଉଛି l ସ୍କୁଲ ର ପ୍ରଧାନ ଶିକ୍ଷକ ନିରଞ୍ଜନ ଦାସ ଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ଅନୁଷ୍ଠିତ ନାଟକ ପ୍ରତିଯୋଗିତା ରେ ବ୍ଲକ ର ୬ ଟି ହାଇସ୍କୁଲ ର ସମୁଦାୟ ୪୮ ଜଣ ଛାତ୍ର ଛାତ୍ରୀ ଙ୍କ ମଧ୍ୟରୁ ୨୭ ଜଣ ଛାତ୍ରୀ ଓ ୨୧ ଜଣ ଛାତ୍ର ଅଂଶଗ୍ରହଣ କରିଥିଲେ l ପ୍ରତି ନାଟକ ରେ ଆଠ ଜଣ ଲେଖାଏଁ ଅଂଶ ଗ୍ରହଣ କରିଥିଲେ l ପିତମହୁଲ ହାଇସ୍କୁଲ “ସମାଜରେ ଅନ୍ଧ ବିଶ୍ବାସ “, ଶୀର୍ଷକ ବିଜ୍ଞାନ ନାଟକ ପରିବେଷଣ କରିଥିବା ବେଳେ ସୁବଳୟା ହାଇସ୍କୁଲ – ସ୍ଵାସ୍ଥ୍ୟର ଯତ୍ନ ଉପରେ ସଚେତନତା , ରଥପୁର (ବୀରମହାରାଜପୁର) ଓଡ଼ିଶା ଆଦର୍ଶ ବିଦ୍ୟାଳୟ – ସାମାଜିକ ଅନ୍ଧବିଶ୍ୱାସ , ମୁର୍ଷୁଣ୍ଢି ସ୍ଥିତ ରଘୁନାଥ ହାଇସ୍କୁଲ – ମାଣ୍ଡିଆ ଏକ ଉତ୍ତମ ଖାଦ୍ୟ , ବୀରମହାରାଜପୁର ସରକାରୀ ବାଳକ ହାଇସ୍କୁଲ – ସ୍ୱଚ୍ଛ ଭାରତ , ବୀରମହାରାଜପୁର ବାଳିକା ହାଇସ୍କୁଲ – ଦୈନନ୍ଦିନ ଜୀବନରେ ଆଧୁନିକ ପ୍ରଯୁକ୍ତିବିଦ୍ୟା ଶୀର୍ଷକ ବିଜ୍ଞାନ ନାଟକ ପରିବେଷଣ କରିଥିଲେ l ନାଟ୍ୟଗୁରୁ ନାରାୟଣ ଦେହୁରୀ ଓ ହୃଷିକେଶ ଦାସ ବିଚାରକ ଭାବେ ଯୋଗଦେଇ ନାଟକ ଗୁଡ଼ିକର ମୂଲ୍ୟାଙ୍କନ କରିଥିଲେ l ମୁର୍ଷୁଣ୍ଢି ସ୍ଥିତ ରଘୁନାଥ ହାଇସ୍କୁଲ ର ନାଟକ ଶ୍ରେଷ୍ଠ ବିବେଚିତ ହୋଇ ଜିଲ୍ଲା ସ୍ତରୀୟ ବିଜ୍ଞନ ନାଟକ ପ୍ରତିଯୋଗିତା ରେ ଅଂଶ ଗ୍ରହଣ କରିବାକୁ ମନୋନୀତ ହୋଇ ଥିଲା l ଆସନ୍ତା ୮ ତାରିଖ ରେ ସୁବର୍ଣ୍ଣପୁର ସ୍ଥିତ ମହାରାଜା ହାଇ ସ୍କୁଲ ରେ ହେବାକୁ ଥିବା ଜିଲ୍ଲା ସ୍ତରୀୟ ପ୍ରତିଯୋଗିତା ରେ ଅଂଶ ଗ୍ରହଣ କରିବାକୁ ମୁର୍ଷୁଣ୍ଢି ହାଇସ୍କୁଲ ମନୋନୀତ ହୋଇଛି l କାର୍ଯ୍ୟକ୍ରମ କୁ ପରିଚାଳନା ରେ ସ୍ଥାନୀୟ ହାଇସ୍କୁଲ ର ସମସ୍ତ ଶିକ୍ଷକ ସହଯୋଗ କରିଥିଲେ l