ସୌମିତ୍ରି ମେହେର14/09/2023 at 5:15 PM
ବୀରମହାରାଜପୁର : ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଉଫୁଲା ପଞ୍ଚାୟତ ସଭା ଗୃହରେ କାନପୁର ଓ ଟିଠିପାଲି ଜଳ ଯୋଗାଣ ପ୍ରକଳ୍ପ ସଫଳ ରୁପାୟନ ମୂଲ୍ୟାଙ୍କନ ହୋଇଥିବା ଜଣାଯାଇଛି । ନୂଆଦିଲ୍ଲୀରୁ ଆସିଥିବା ଜଳ ଜୀବନ ମିଶନ ପକ୍ଷରୁ ଇଂ ବଳବନ୍ତ ସିଂ ଭାଟିଆ , ଡ ଦିନେଶ ଚାନ୍ଦଙ୍କ ସହ ସ୍ଥାନିୟ ସରପଞ୍ଚ ଶ୍ରୀୟା କର୍ମୀ ଆଲୋଚନା କରିଥିଲେ । ଭାରତ ସରକାରଙ୍କ ଟିମ୍ ସଦସ୍ୟ ଙ୍କୁ ଅର୍ଥ କମିଶନ ଅନୁଦାନ ର ଶତକଡା ୩୦ ଭାଗ ରାଶି ରେ ଗ୍ରାମ ପଞ୍ଚାୟତ ର ଉଫୁଲା , କମଳପୁର , କାନପୁର ଓ ଅନ୍ୟ ଜଳଯୋଗଣ ପ୍ରକଳ୍ପ ବିଦ୍ୟୁତ୍ ବିଲ ପ୍ରଦାନ , ମରାମତି ବାବଦରେ ଖର୍ଚ୍ଚ ପଞ୍ଚାୟତର ଉନ୍ନତି ଅନୁସାରେ କରାଯାଉଥିବା ସମ୍ପର୍କରେ ଅବଗତ କରିଥିଲେ । ପଞ୍ଚାୟତର ସମସ୍ତ ପ୍ରାଥମିକ ବିଦ୍ୟାଳୟ ରେ ଜଳଯୋଗଣ ସୁନିଶ୍ଚିତ କରିବା ପାଇଁ ଆଲୋଚନା ହୋଇଥିଲା । ଟିଠିପାଲି ଓ ରଥପୁର ଜଳଯୋଗାଣ ପ୍ରକଳ୍ପରେ ପାଖାପାଖି ୧ କୋଟି ୪୫ ଲକ୍ଷ ଖର୍ଚ୍ଚ ହୋଇଥିଲେ ମଧ୍ୟ ଗ୍ରାମବାସୀ ପିଇବା ପାଣି ପାଇଁ ହନ୍ତସନ୍ତ ହେଉଥିବା ନେଇ ୱାର୍ଡ ମେମ୍ବର ଶ୍ରୀକାନ୍ତ ପଣ୍ଡା , ଘାସିରାମ ବ।ଦୀ , ସୁଦାମ ଭୁଇ ଓ ଅନ୍ୟ ସଦସ୍ୟଙ୍କ ସମେତ ସରପଞ୍ଚ ଶ୍ରୀ କର୍ମୀ କେନ୍ଦ୍ରୀୟ କମିଟିର ଦୃଷ୍ଟି ଆକର୍ଷଣ କରିଥିଲେ । ଏସ ଡି ଓ ଶ୍ରୀ ମାଝି ୧୫ ଦିନ ମଧ୍ୟରେ ଟିଠୀପାଲି ଜଳ ଯୋଗାଣ ପ୍ରକଳ୍ପ ରୁ ଜଳଯୋଗାଣ ସଠିକ୍ ଭାବେ କରାଯିବା ପାଇଁ ପ୍ରତିଶ୍ରୁତି ଦେଇଥିଲେ । ଟିମ୍ ସାଙ୍ଗରେ ଯନ୍ତ୍ରୀ ମଂଜୁଲତା ଗୌଡ ଅନ୍ୟାନ୍ୟ ବିଭାଗୀୟ କର୍ମଚାରୀ ଜଳଯୋଗାଣ ପ୍ରକଳ୍ପ ବୁଲି ଦେଖିଥିଲେ ।