ସୁଶୀଲ କୁମାର ବାଗ16/09/2023 at 8:33 PM
କଳାହାଣ୍ଡି,୧୬/୦୯-ଆଜି ଦିନିକିଆ ଲାଞ୍ଜିଗଡ଼ ବ୍ଲକ ଗସ୍ତ କରିବା ସହିତ ବିଭିନ୍ନ କାର୍ଯ୍ୟକ୍ରମରେ ସାମିଲ ହୋଇଛନ୍ତି କଳାହାଣ୍ଡି ସ୍ବତନ୍ତ୍ର ଉନ୍ନୟନ ପରିଷଦର ଅଧ୍ୟକ୍ଷ ଶିବାଜୀ ମାଝୀ ! ଶ୍ରୀ ମାଝୀ ଆଜି ପ୍ରଥମେ ବିଶ୍ବନାଥପୁର ନିକଟସ୍ଥ ଡୁମେରମୁଣ୍ଡା ଗସ୍ତ କରିବା ସହିତ ସେଠାକାର ଲୋକଙ୍କ ସହ ବିଭିନ୍ନ ପ୍ରସଙ୍ଗରେ ଆଲୋଚନା କରିଥିଲେ ! ଏହାପରେ ଡୁମେରମୁଣ୍ଡାଠାରେ ଲଗାଣ ବର୍ଷାରେ ଘର ଭାଙ୍ଗି ମ୍ରୁତ୍ୟୁବରଣ କରିଥିବା ଋଷିମଣି ସାହୁଙ୍କ ଘରକୁ ଯାଇ ସମବେଦନା ଜଣାଇଥିଲେ ! ସେହିପରି ଶ୍ରୀ ମାଝୀ ଧଅଁରାଭଟାସ୍ଥିତ ଏକଲବ୍ୟ ମଡେଲ ସ୍କୁଲରେ ଅନୁଷ୍ଠିତ ଅଭିଭାବକ-ଶିକ୍ଷକ ସମ୍ମିଳନୀରେ ଅତିଥି ଭାବେ ଯୋଗଦେଇଥିଲେ ! ଏହାପରେ ଶ୍ରୀ ମାଝୀ ଲାଞ୍ଜିଗଡ଼ ଗସ୍ତ କରିବା ସହିତ ଜିଲ୍ଲା ପ୍ରଶାସନ ପକ୍ଷରୁ ଜେଏମ୍ଏଫ୍ ସି କୋର୍ଟ ପାଇଁ ସ୍ଥାନ ନିରୀକ୍ଷଣ ସମୟରେ ଉପସ୍ଥିତ ରହିଥିଲେ !