ରାଜୀବ ଲୋଚନ ମିଶ୍ର30/09/2023 at 5:08 AM
ଗୋପାଳପୁର ୨୯/୯ ଗୋପାଳପୁର ଭି ଆଇ ପି ରୋଡର ରେଉ ସାହି ଛକରେ ଆଜି ଅପରାହ୍ନ ପ୍ରାୟ ୨ ଟା ବେଳେ ମୋଟରସାଇକେଲ ରେ ଜଣେ ଯୁବକ ଦୁର୍ଘଟଣାଗ୍ରସ୍ତ ହେବା ସହ ମୃତ ହୋଇଥିବା ଜଣାପଡିଛି l ମୃତ ଯୁବକ ଜଣଙ୍କ ହେଲେ ମୋନାର୍କ ଛକ ଜଗନ୍ନାଥ ବିହାରରେ ରହୁଥିବା ଅଭିଶେକ ବେହେରା ବୟସ ୨୪ ବୋଲି ପୁଲିସ କହିଛି l ସୂଚନା ପ୍ରକାରେ ଅଭିଶେକ ଦିନ ପ୍ରାୟ ୨ ଟା ସମୟରେ ଗୋପାଳପୁରରେ ଥିବା ଫିସେରୀ ଅଫିସରେ କାର୍ଯ୍ୟରେ ଯୋଗ ଦେବାକୁ ନିଜ ସ୍କୁଟି (ଓଡି ୦୭ ଏଇ ୮୧୮୭) ଯିବା ସମୟରେ ଦୁର୍ଘଟଣା ଶିକାର ହୋଇ ଥିଲେ l ଗୁରୁତର ଅବସ୍ଥାରେ ସ୍ଥାନୀୟ ଲୋକେ ସଙ୍ଗେ ସଙ୍ଗେ ୧୦୮ ଆମ୍ବୁଲାନ୍ସରେ ବ୍ରହ୍ମପୁର ମେଡିକାଲକୁ ଚିକିତ୍ସା ନିମନ୍ତେ ପଠାଇଥିଲେ l ସେଠାରେ ଡାକ୍ତର ମୃତ ଘୋଷଣା କରିଥିଲେ l ଏ ନେଇ ଆସିଷ୍ଟାଣ୍ଟ ଫିସର ଅଫିସର ଖୋଗେନ୍ଦ୍ର ନାଥ ରଣା ଥାନାରେ ଲିଖିତ ଅଭିଯୋଗ କରିଥିଲେ l ଅଭିଯୋଗ ପ୍ରକାରେ ପୁଲିସ ଏକ ମାମଲା ରୁଜୁ କରି ସ୍କୁଟିକୁ ଜବତ କରିବା ସହ ତଦନ୍ତ କରୁଥିବା ପୁଲିସ କହିଛି l