ମହେନ୍ଦ୍ର କୁମାର ସାଇ1/10/2023 at 2:42 PM
ଝାରସୁଗୁଡା ୧/୧୦ (ଓଡ଼ିଶା ନ୍ୟୁଜ) ଝାରସୁଗୁଡା ଜିଲ୍ଲା ଲଖନପୁର ବ୍ଲକ ଅନ୍ତର୍ଗତ ଗୋବିନ୍ଦପୁର ସରକାରୀ ପ୍ରାଥମିକ ବିଦ୍ୟାଳୟରେ ସମରବଗା କ୍ଲଷ୍ଟର ସ୍ତରୀୟ ଶ8ଶିଶୁ ମହୋତ୍ସବ ସୁରଭି-୨୦୨୩ କାର୍ଯ୍ୟକ୍ରମ ଅନୁଷ୍ଠିତ ହୋଇ ଯାଇଛି । ଏଥିରେ ସମରବଗା କ୍ଲଷ୍ଟର ର ସିଆରସିସି ପରମେଶ୍ବର ନାଏକ ସଭାପତିତ୍ୱ କରିଥିଲେ । ମୁଖ୍ୟ ଅତିଥି ଭାବେ ବରିଷ୍ଠ ଶିକ୍ଷକ ନିଳାମ୍ବର ପଧାନ ଏବଂ ମୁଖ୍ୟବକ୍ତା ରୂପରେ ଦିବ୍ୟରଞ୍ଜନ କୁମ୍ଭାର ଯୋଗଦେଇ ଦ୍ୱୀପ ପ୍ରଜ୍ବଳନ କରି କାର୍ଯ୍ୟକ୍ରମକୁ ଶୁଭାରମ୍ଭ କରିଥିଲେ । ଏହି ଅବସରରେ ଛାତ୍ରଛାତ୍ରୀ ମାନଙ୍କ ମଧ୍ୟରେ ବିତର୍କ, ପ୍ରବନ୍ଧ ଲିଖନ,ଚିତ୍ରାଙ୍କନ, କୁଇଜ,ସଙ୍ଗୀତ,ବକୃତା ଆଦି ବିଭିନ୍ନ ପ୍ରତିଯୋଗିତା ହୋଇଥିଲା । ଉକ୍ତ ପ୍ରତିଯୋଗିତାର କୃତି ଛାତ୍ରଛାତ୍ରୀ ମାନଙ୍କୁ ଅତିଥି ମାନେ ପୁରସ୍କୃତ କରିଥିଲେ । ଶିକ୍ଷକ ମାନଙ୍କ ମଧ୍ୟରେ ବିବେକାନନ୍ଦ ବାରିକ, ରାଜେନ୍ଦ୍ର ପଧାନ, ନୀଳମଣି ପଟନିଆ, ବିନୋଦ କରାଲି, ଦିଲ୍ଲୀପ ଧୁରୁଆ ପ୍ରମୁଖ କାର୍ଯ୍ୟକ୍ରମକୁ ପରିଚାଳନା କରିଥିଲେ । ଶେଷରେ ସହକାରୀ ଶିକ୍ଷକ ବେଦବ୍ୟାସ ବୁଡି ଧନ୍ୟବାଦ ଅର୍ପଣ କରିଥିଲେ ।