ପ୍ରଫେସର ସଞ୍ଜୀବ କୁମାର ଶର୍ମା ବ୍ରହ୍ମପୁର ବିଶ୍ୱବିଦ୍ୟାଳୟରେ ଜାତୀୟ ଶିକ୍ଷା ନୀତି ଏବଂ ଭାରତୀୟ ଜ୍ଞାନ ପରମ୍ପରା ଉପରେ ଅନ୍ତର୍ନିହିତ ଅଧ୍ୟାପନା ପ୍ରଦାନ ।
ଗୋପାଳପୁର,୦୬/୧୦ ବ୍ରହ୍ମପୁର ବିଶ୍ୱବିଦ୍ୟାଳୟର ନୂତନ ସମ୍ମିଳନୀ ହଲରେ ଆୟୋଜିତ ଏକ ସ୍ବତନ୍ତ୍ର ବକ୍ତବ୍ୟ ରେ ରାଜନୀତି ବିଜ୍ଞାନର ବିଶିଷ୍ଟ ଅଧିକାରୀ ତଥା ମହାତ୍ମା ଗାନ୍ଧୀ କେନ୍ଦ୍ରୀୟ ବିଶ୍ୱବିଦ୍ୟାଳୟ, ମୋତିହାରୀ ପୂର୍ବତନ କୁଳପତି ପ୍ରଫେସର ସଞ୍ଜୀବ କୁମାର ଶର୍ମା ବକ୍ତା ଭାବରେ ଯୋଗଦେଇଥିଲେ। ଜାତୀୟ ଶିକ୍ଷା ନୀତି ୨୦୨୦ ଏବଂ ଭାରତର ସମୃଦ୍ଧ ଜ୍ଞାନ ପରମ୍ପରା ସହିତ ଏହାର ଅନ୍ତର୍ନିହିତ ସମ୍ପର୍କ ରେ ଅତିଥି ମାନେ ନିଜର ବକ୍ତବ୍ୟ ରଖିଥିଲେ।
ଭାରତୀୟ ରାଜନୀତି ବିଜ୍ଞାନ ସଂଘର ସାଧାରଣ ସମ୍ପାଦକ ତଥା କୋଷାଧ୍ୟକ୍ଷ ପ୍ରଫେସର ଶର୍ମା ଜାତୀୟ ଶିକ୍ଷା ନୀତି ଏବଂ ଭାରତୀୟ ସମାଜର କାଳଜୟୀ ପରମ୍ପରା ମଧ୍ୟରେ ସମାନତା ନେଇ ମତବ୍ୟକ୍ତ କରିବା ସହ ଭାରତରେ ଶିକ୍ଷାର ମୂଳଦୁଆ ଗଠନରେ ବୈଦିକ ସଂସ୍କୃତି ଏବଂ ଗୁରୁକୁଲ ବ୍ୟବସ୍ଥାର ମହତ୍ତ୍ୱ ଉପରେ ଆଲୋକପାତ କରିଥିଲେ। ବ୍ରହ୍ମପୁର ବିଶ୍ୱବିଦ୍ୟାଳୟର କୁଳପତି ତଥା କାର୍ଯ୍ୟକ୍ରମର ମୁଖ୍ୟ ପୃଷ୍ଠପୋଷକ ପ୍ରଫେସର ଗୀତାଞ୍ଜଳି ଦାଶ ଶିକ୍ଷା ନୀତି ଦ୍ଵାରା ଆଞ୍ଚଳିକ ଭାଷା ଯୋଗୁଁ ପାଠ ଶିଖିବା ଏବଂ ବୁଝିବାରେ କୌଣସି ପ୍ରତିବନ୍ଧକ ହେବ ନାହିଁ ବୋଲି ମତପୋଷଣ କରିଥିଲେ। ଅନ୍ୟ ମାନଙ୍କ ମଧ୍ୟରେ ସ୍ନାତକୋତ୍ତର ପରିଷଦର ଅଧ୍ୟକ୍ଷ ପ୍ରଫେସର ସୁଶାନ୍ତ କୁମାର ବରାଳ ଜାତୀୟ ଶିକ୍ଷା ନୀତିର ବୈଶ୍ୱିକ ଦୃଷ୍ଟିକୋଣକୁ ଆଲୋକିତ କରି ଆନ୍ତର୍ଜାତୀୟ ସ୍ତରରେ ଏହାର ପ୍ରାସଙ୍ଗିକତା ଉପରେ ଗୁରୁତ୍ୱାରୋପ କରିଥିଲେ।
ବ୍ରହ୍ମପୁର ବିଶ୍ୱବିଦ୍ୟାଳୟର ଇତିହାସ ବିଭାଗ ମୁଖ୍ୟ ତଥା କାର୍ଯ୍ୟକ୍ରମର ସଂଯୋଜକ ଡକ୍ଟର ସଦାନନ୍ଦ ନାୟକ ଧନ୍ୟବାଦ ଅର୍ପଣ କରି ସମାଜର ଉନ୍ନତି ପାଇଁ ଜାତୀୟ ଶିକ୍ଷା ନୀତି ପ୍ରଚାରର ଗୁରୁତ୍ୱ ଉପରେ ଗୁରୁତ୍ୱାରୋପ କରିଥିଲେ।
