ଲସ୍ତଲା ସ୍କୁଲ ରୁ ଏମ୍ ଡି ଏମ ଚାଉଳ ଚୋରି ଅଭିଯୋଗ

ବୀରମହାରାଜପୁର : ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ଥାନା ଅନ୍ତର୍ଗତ ଲସ୍ତଲା ସରକାରୀ ପ୍ରାଥମିକ ବିଦ୍ଯାଳୟରୁ ଅଢେଇ କୁଇଣ୍ଟାଲ ଏମଡିଏମ ଚାଉଳ ଚୋରି ହେଉଥିବା ନେଇ ଉଲୁଣ୍ଡା ଥାନାରେ ଅଭିଯୋଗ ହୋଇଛି । ସୂଚନା ମୁତାବକ ସୋମବାର ବିଳମ୍ବିତ ରାତିରେ କେହି ଦୁର୍ବୁତ୍ତ ସ୍କୁଲ ଗେଟର ତାଲା କାଟି ସ୍କୁଲ ଭିତରେ ରଖାଯାଇଥିବା ଅଢେଇ କୁଇଣ୍ଟାଲ ଏମଡିଏମ ଚାଉଳ ଚୋରି ହେଇଥିବା ଜଣାପଡିଛି । ସ୍କୁଲର ପ୍ରଧାନ ଶିକ୍ଷକ ମଙ୍ଗଳବାର ସ୍କୁଲ ଆସିବା ପରେ ସ୍କୁଲରୁ ଚାଉଳ ଚୋରି ହେଇଥିବା ଜାଣିବା ପରେ ଉଲୁଣ୍ଡା ଥାନାରେ ଲିଖିତ ଅଭିଯୋଗ କରିଛନ୍ତି । ଅଭିଯୋଗ ଆଧାରରେ ପୋଲିସ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଥିବା ଜଣାପଡିଛି ।