ଖଣ୍ଡହତା ରେ ଜଳନ୍ଧର ଦରବାର ପାଇଁ କଳାକାର ବରଣ

ବୀରମହାରାଜପୁର : ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଅନ୍ତର୍ଗତ ଖଣ୍ଡହତାରେ ୧୫ ତମ ଗଜଲକ୍ଷ୍ମୀ ପୂଜା ଅବସରରେ ଜଳନ୍ଧର ଦରବାର ସକାଶେ କଳାକାର ବରଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । କମିଟିର ସଭାପତି ରୁଦ୍ର ପ୍ରକାଶ ମିଶ୍ରଙ୍କ ନେତୃତ୍ବରେ ସମ୍ପାଦକ ଆଶୁତୋଷ ପଣ୍ଡା , ସହ ସଂପାଦକ ପ୍ରଦୀପ ମାଝୀ , ମଧୁସୁଦନ ମହାକୁର , ସୁଭାଷ ପଧାନ , ସିକେନ ଭୋକ୍ତା , ବଂଶିଧର ଅମାତ ପ୍ରମୁଖ ବିନିକା ଝରିଗାଁ କୁ ଯାଇ ଜଳନ୍ଧର ଭୂମିକାରେ ଅଭିନୟ କରିବା ପାଇଁ ଗୋପାଳ ଦାଶ ଙ୍କୁ କମିଟି ତରଫରୁ ରିତିନୀତି ଅନୁସାରେ ପୂଜାର୍ଚ୍ଚନା କରି ବରଣ କରାଯାଇଥିଲା । ଆସନ୍ତା ୨୭ ତାରିଖରୁ ପ୍ରତ୍ୟହ ସନ୍ଧ୍ୟା ସମୟରେ ଉକ୍ତ କାର୍ଯ୍ୟକ୍ରମ ଅନୁଷ୍ଠିତ ହେବା ନେଇ ଆୟୋଜଙ୍କ ପକ୍ଷରୁ ସୂଚନା ରହିଛି ।