ସୌମିତ୍ରି ମେହେର17/10/2023 at 11:19 AM
ବୀରମହାରାଜପୁର : ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ତହସିଲ ଅନ୍ତର୍ଗତ ଉପନିବନ୍ଧକ (ସବ ରେଜିଷ୍ଟର ) କାର୍ଯ୍ୟାଳୟ ପରିସରରେ ଜନସାଧାରଣ ଙ୍କ ସୁବିଧା ପାଇଁ ଯାତ୍ରୀ ପ୍ରେକ୍ଷାଳୟ ନିର୍ମାଣ ହୋଇଛି । ରାଜ୍ୟ ସରକାରଙ୍କ ରାଜସ୍ବ ରୁ ଲକ୍ଷାଧିକ ଟଙ୍କା ବ୍ୟୟ ଅଟକଳରେ ନିର୍ମିତ ପ୍ରକ୍ଷାଳୟ ବହୁ ଦିନରୁ କାମ ସମ୍ପୁର୍ଣ୍ଣ ହୋଇ ସlରି ଥିଲେ ସୁଦ୍ଧା ତାହା ଆଜି ପର୍ଯ୍ୟନ୍ତ ଲୋକଙ୍କ ସେବାରେ ଲାଗିପାରୁନଥିବା ଦେଖାଦେଇଛି । ପ୍ରତ୍ୟହ ଉକ୍ତ କାର୍ଯ୍ୟାଳୟ କୁ ବିଭିନ୍ନ କାର୍ଯ୍ୟ ନେଇ ବହୁ ଲୋକ ଆସିଥାନ୍ତି । ହେଲେ ଏଠାରେ ଖରା , ବର୍ଷା , ଶୀତ କାକରରେ ଲୋକେ ଗଛତଳେବସି ଅପେକ୍ଷା କରୁଛନ୍ତି । ପ୍ରତି ଦିନ ଜମି କିଣା ବିକା ସହ ଇ. ସି. , ପଟ୍ଟା ନକଲ ସମେତ ଅନ୍ୟାନ୍ୟ ଆବଶ୍ୟକୀୟ କାଗଜ ପତ୍ର ପାଇଁ ଏହି ସବରେଜିଷ୍ଟାର ଅଫିସକୁ ଦୂରଦୂରାନ୍ତରୁ ଲୋକେ ଆସିଥାନ୍ତି । ବିଭାଗୀୟ ଅଧିକାରୀ ଙ୍କ ଖାମ ଖିଆଲି ମନୋବୃତ୍ତି ଯୋଗୁଁ ପ୍ରତୀକ୍ଷାଳୟ ବନ୍ଦ ହୋଇଥିବାରୁ ଲୋକମାନେ ନାହିଁ ନ ଥିବାର ଅସୁବିଧା ର ସମ୍ମୁଖୀନ ହେଉ ଥିବା ଦେଖିବାକୁ ମିଳିଛି l ପ୍ରତିଦିନ ସକାଳହେଲେ ବୀରମହାରାଜପୁର ବ୍ଲକ ରେ ଥିବା ୧୫ ଗୋଟି ପଞ୍ଚାୟତ ର ଲୋକମାନେ ଜମି କିଣାବିକା ପାଇଁ ଏଠାକୁ ଆସନ୍ତି l ସରକାର ଙ୍କ ତରଫରୁ ଅଫିସ ରେ ଜନସାଧାରଣ ଙ୍କ ପାଇଁ ବସିବା , ପିଇବା ପାଣିର ବ୍ୟବସ୍ଥା ଆବଶ୍ୟକୀୟ ସାହାଯ୍ୟ ଯୋଗାଇ ଦେବାର ନିୟମ ଥିଲେ ହେଁ ଏହି ଅଫିସ ରେ ଏହାର ବ୍ୟତିକ୍ରମ ଦେଖାଦେଇଛି l ବର୍ଷା ଦିନ ଅଫିସ ସାମନା ରେ ବର୍ଷା ପାଣି ଆଣ୍ଠୁଏ ଜମି ରହୁଥିବାରୁ ଲୋକମାନେ ଅଫିସ କୁ ଯା-ଆସ କରିବାରେ ଅନେକ ଅସୁବିଧା ର ସମ୍ମୁଖୀନ ହୋଇ ଥାନ୍ତି l ଠିକ ସେହିପରି ଖରାଦିନେ ଦିନ ଦ୍ବିପ୍ରହରେ ଏହି ଅଫିସ କୁ ଆସୁଥିବା ଲୋକମାନେଯାତ୍ରୀ ପ୍ରତୀକ୍ଷାଳୟ ଟି ବନ୍ଦ ଥିବାରୁ ଏ ଗଛ ତଳ ସେ ଗଛ ତଳ ହୋଇଥାନ୍ତି l ଏନେଇ ଆଗରୁ ବିଭିନ୍ନ ଗଣମାଧ୍ୟମରେ ଖବର ପ୍ରକାଶିତ ହୋଇଥିଲେ ମଧ୍ୟ ପ୍ରଶାସନ ଏଥିପ୍ରତି ଦୃଷ୍ଟି ଦେଉନଥିବା ବିଭିନ୍ନ ମହଲରେ ଚର୍ଚ୍ଚା ହେଉଛି । ଉଚ୍ଚ କର୍ତ୍ତୃପକ୍ଷ ଏଥିପ୍ରତି ଶିଘ୍ରଦୃଷ୍ଟି ଦେବା କୁ ସାଧାରଣ ରେ ଦୃଢ଼ ଦାବି ହୁଏ I