ଉଫୁଳା କାଳୀ ପୂଜା ପାଇଁ ଶୁଭସ୍ତମ୍ଭ ସ୍ଥାପିତ

ବୀରମହାରାଜପୁର : ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଅନ୍ତର୍ଗତ ଉଫୁଲା ଠାରେ ଯୁବଶକ୍ତି କ୍ଲବ ପକ୍ଷରୁ ୪୧ତମ ସାର୍ବଜନୀନ କାଳୀ ପୂଜା ଉତ୍ସବ ସକାଶେ ଶୁଭ ସ୍ତମ୍ଭ ସ୍ଥାପନ କରାଯାଇଛି । ଏଥିପାଇଁ ପୂଜାର୍ଚ୍ଚନା କରାଯିବା ସହ ଶୁଭସ୍ତମ୍ଭ ସ୍ଥାପନ କରାଯାଇଥିଲା । କ୍ଲବର ସଭାପତି ପ୍ରଫୁଲ୍ଲ ଡ଼ାଙ୍ଗ , ସମ୍ପାଦକ ଗୋପୀନାଥ କର୍ଣ୍ଣ , ଉପଦେଷ୍ଟା ଅଚ୍ୟୁତାନନ୍ଦ ସାହୁ , ଦିଲ୍ଲୀପ ଡ଼ାଙ୍ଗ ଓ ଗୁପ୍ତେଶ୍ୱର ପଧାନଙ୍କ ସମେତ ଅନ୍ୟ ସଦସ୍ୟମାନେ ଉପସ୍ଥିତ ଥିଲେ । ଆସନ୍ତା ମାସ ୧୨ରୁ ୧୪ ତାରିଖ ଯାଏ ହେବାକୁ ଥିବା ଏହି ପୂଜା ଅବସରରେ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ଆୟୋଜିତ ହେବ ବୋଲି କ୍ଲବର ସମ୍ପାଦକ ଗୋପୀନାଥ କର୍ଣ୍ଣ ସୂଚନା ପ୍ରଦାନ କରିଛନ୍ତି।