ସୌମିତ୍ରି ମେହେର2/11/2023 at 8:14 PM
ବୀରମହାରାଜପୁର : ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ବ୍ଲକ ରେ ଆମ ଓଡିଶା ନବୀନ ଓଡିଶା ପ୍ରକଳ୍ପ ର ଆଜି ଶୁଭାରମ୍ଭ କରିଥିଲେ ମାନ୍ୟବର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ l ଏଥିପାଇଁ ଜନସାଧାରଣ ଙ୍କୁ ସେ ଶୁଭେଚ୍ଛା ଜଣାଇବା ସହିତ ଏହାର ସୁରକ୍ଷା ଆପଣ ମାନଙ୍କର ବୋଲି ପ୍ରକାଶ କରିଥିଲେ l ଗୁରୁବାର ଉକ୍ତ କାର୍ଯ୍ୟକ୍ରମ କୁ ୫ଟି ଏବଂ ଆମ ଓଡିଶା ନବୀନ ଓଡିଶା ର ଅଧ୍ୟକ୍ଷ ଭି କାର୍ତ୍ତିକେୟନ ପାଣ୍ଡିଆନ ସଂଯୋଜନା କରିଥିବାବେଳେ ଉଲୁଣ୍ଡା ବ୍ଲକ ଅଧ୍ଯକ୍ଷ ଶାନ୍ତିଲତା ମିଶ୍ର ଏଥିପାଇଁ ମାନ୍ୟବର ମୁଖ୍ୟମନ୍ତ୍ରୀ ଏବଂ ୫ଟି ଓ ଆମ ଓଡିଶା ନବୀନ ଓଡିଶାର ଅଧ୍ଯକ୍ଷ ଶ୍ରୀଯୁକ୍ତ ଭି କେ ପାଣ୍ଡିଆନ ଙ୍କୁ ଉଲୁଣ୍ଡା ଅଞ୍ଚଳବାସୀଙ୍କ ତରଫରୁ କୃତଜ୍ଞତା ଜ୍ଞାପନ କରିଥିଲେ l ସୁବର୍ଣ୍ଣପୁର ଜିଲ୍ଲା ରେ ଉକ୍ତ ପ୍ରକଳ୍ପ ଦ୍ୱାରା ୫୪ କୋଟି ୫୦ଲକ୍ଷ ଟଙ୍କା ବିନିଯୋଗ ହେବବୋଲି ୫ଟି ଏବଂ ଆମ ଓଡିଶା ନବୀନ ଓଡିଶା ଅଧ୍ଯକ୍ଷ ପ୍ରକାଶ କରିଛନ୍ତି l ଉକ୍ତ ପ୍ରକଳ୍ପ ଦ୍ୱାରା ମଠ , ମନ୍ଦିର , ମସଜିଦ , ଖେଳ ପଡିଆ , ରାସ୍ତା ର ଉନ୍ନତି କରଣ କାର୍ଯ୍ୟ ତୋରାନ୍ୱିତ ହେବ l ଉଲୁଣ୍ଡା ବ୍ଲକର ବିଭିନ୍ନ ୨୪୪ ଟି ଉନ୍ନୟନମୂଳକ ପ୍ରକଲ୍ପ ପାଇଁ ସର୍ବମୋଟ ୮ କୋଟି ୫୦ ଲକ୍ଷ ଟଙ୍କା ଅନୁଦାନ ଦିଆଯାଇଛି । ଏତଦ ବ୍ୟତୀତ ଉଲୁଣ୍ଡା ପଞ୍ଚାୟତ ସମିତି ଡିଗ୍ରୀ ମହାବିଦ୍ୟାଳୟ ପାଇଁ ୫୦ ଲକ୍ଷ ଏବଂ +୨ ପାଇଁ ୫୦ ଲକ୍ଷ ଟଙ୍କା , ଧର୍ମଶାଲା କଲେଜ କୁ ୨୫ ଲକ୍ଷ , କଳାପଥର କଲେଜକୁ ୨୫ ଲକ୍ଷ , ମା ମେଟାକନୀ ଶକ୍ତିପୀଠ କୁ ୩୦ ଲକ୍ଷ ଏବଂ ଉଲୁଣ୍ଡା ରୁ ପାତାଳୀ ଶ୍ରୀକ୍ଷେତ୍ରକୁ ରାସ୍ତା ପାଇଁ ୧୮ କୋଟି ଟଙ୍କା ମୁଖ୍ୟମନ୍ତ୍ରୀ ସ୍ୱତନ୍ତ୍ର ଅନୁଦାନ ରୁ ପ୍ରଦାନ କରାଯାଇଛି l ପାତାଳି ଶ୍ରୀକ୍ଷେତ୍ର ପାଇଁ ଡି.ପି.ଆର ପ୍ରସ୍ତୁତି କରାଯାଇ ଅର୍ଥ ଯୋଗାଇ ଦିଆଯିବ ବୋଲି ୫ଟି ଅଧ୍ୟକ୍ଷ ଭିଡିଓ କନଫରେନ୍ସ ଜରିଆରେ ପ୍ରକାଶ କରିଥିଲେ l ଏହି କାଯ୍ଯକ୍ରମରେ ବୀରମହାରାଜପୁର ଉପଜିଲ୍ଲାପାଳ ଲଲାଟେନ୍ଦୁ ସି , ଉଲୁଣ୍ଡା ବିଡିଓ କରିଶ୍ମା ବେଶ୍ରା , ତହସିଲଦାର ଦିଲ୍ଲୀପ ମାଝି , ବ୍ଲକ ଉପାଧକ୍ଷ ସଞ୍ଜିବ ଦେହେରି , ଜିଲ୍ଲାପରିଷଦ ଉପାଧକ୍ଷ ଝଶକେତନ ବଘାର ପ୍ରମୁଖ ଯୋଗ ଦେଇଥିବା ବେଳେ ସମସ୍ତ ସରପଞ୍ଚ , ସମିତିସଭ୍ୟ , ସ୍ୱୟଂ ସହାୟକ ଗ୍ରୁପ ମହିଳା , ସିଆରପି , ଏମ ବି କେ ମହିଳାଙ୍କ ସମେତ ସାଧାରଣ ଜନତା ସାମିଲ ହୋଇଥିଲେ l