ସୌମିତ୍ରି ମେହେର

6/11/2023 at 4:58 PM

ବୀରମହାରାଜପୁର : ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଅନ୍ତର୍ଗତ ପଣ୍ଡିଆପାଲି ଗ୍ରାମରେ ବୀର ମାରୁତି କ୍ରିକେଟ କ୍ଲବ ଆନୁକୁଲ୍ୟରେ ସହିଦ ବିଭୀଷଣ ସାହୁ ସ୍ମାରକୀ କ୍ରିକେଟ ଟୁର୍ଣ୍ଣାମେଣ୍ଟ ଉଦଘାଟିତ ହୋଇଯାଇଛି । ଉଦଘାଟନୀ ଉତ୍ସବରେ ବୀରମହାରାଜପୁର ବ୍ଲକ ଉପାଧ୍ୟକ୍ଷ ନାରାୟଣ ଲୁହା ମୁଖ୍ୟ ଅତିଥି ଏବଂ ଖଣ୍ଡହତା ସରପଞ୍ଚ ଜୟଶ୍ରୀ ଦେହୁରୀ , କମିରା ସରପଞ୍ଚ ଅନୁଶୟା ପଧାନ , ଗାୟତ୍ରୀ ଆବାସିକ ଶିକ୍ଷା ନିକେତନ ର ପ୍ରଧାନ ଶିକ୍ଷକ ପଙ୍କଜ ଖମାରୀ , ସରପଞ୍ଚ ପ୍ରତିନିଧି ଗୋପାଳ ସେଠୀ , ସପନ ପଧାନ , ବୈଷ୍ଣବ ଜଗଦଲା , ସମୀତିସଭ୍ୟା ପ୍ରତିନିଧି ଲମ୍ବୋଦର ମହକୁର , ନୀଳାମ୍ବର ଘିବିଲା ପ୍ରମୁଖ ସମ୍ମାନିତ ଅତିଥି ଭାବେ ଯୋଗଦେଇ ଟୁର୍ଣ୍ଣାମେଣ୍ଟ କୁ ଉଦଘାଟନ କରିଥିଲେ। ଉଦଘାଟନୀ ମ୍ୟାଚ ଟି ରଥପୁର ଓ କଳପଥର ମଧ୍ୟରେ ହୋଇଥିଲା । ରଥପୁର ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ୮ ଓଭର ରେ ସମସ୍ତ ଉଇକେଟ ହରାଇ ୫୪ ରନ କରିଥିଲା । ଜବାବରେ କଳାପଥର ଦଳ ୭ ଓଭର ରେ ୪ ଉଇକେଟ ହରାଇ ୫୫ରନ କରି ବିଜୟୀ ହୋଇଥିଲା । ଦ୍ଵିତୀୟ ମ୍ୟାଚ୍ ଟି ଭୀମ ସ୍ପୋଟିଂ ସୋନପୁର ଓ ଉଲୁଣ୍ଡା ମଧ୍ୟରେ ହୋଇଥିଲା । ଏଥିରେ ଉଲୁଣ୍ଡା ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ୮ ଓଭର ରେ ୨ ଉଇକେଟ ହରାଇ ୧୫୮ ରନ କରିଥିଲା । ଜବାବରେ ସୋନପୁର ଦଳ ୭ ଓଭର ରେ ସମସ୍ତ ଉଇକେଟ ହରାଇ ୫୪ ରନ କରି ପରାସ୍ତ ହୋଇଥିଲା । ପ୍ରଥମ ମ୍ୟାଚ୍ ର ବିଜେତା କଳାପଥର ଓ ଦ୍ଵିତୀୟ ମ୍ୟାଚ୍ ର ବିଜେତା ଉଲୁଣ୍ଡା ମଧ୍ୟରେ ପ୍ରଥମ କ୍ୱାଟର ଫାଇନାଲ ମ୍ୟାଚ୍ ଖେଳା ଯାଇଥିଲା । ଏଥିରେ ଉଲୁଣ୍ଡା ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ୮ ଓଭର ରେ ୬ ଉଇକେଟ ହରାଇ ୯୨ ରନ କରିଥିଲା । ଜବାବରେ କଳାପଥର ଦଳ ନିର୍ଦ୍ଧାରିତ ୮ ଓଭର ରେ ୩ ଉଇକେଟ ହରାଇ ୮୫ ରନ କରି ପରାସ୍ତ ହୋଇଥିଲା । ଫଳରେ ଉଲୁଣ୍ଡା ଦଳ ପ୍ରଥମ ଦଳ ଭାବେ ସେମି ଫାଇନାଲ ପ୍ରବେଶ କରିଛି । ଦ୍ଵିତୀୟ ଦିବସ ରେ ପ୍ରଥମ ମ୍ୟାଚ୍ ଟି ପାଣ୍ଡିଆପାଲି ଓ ମହଦା ପଞ୍ଚାୟତ ମଧ୍ୟରେ ମଧ୍ୟରେ ହୋଇଥିଲା । ଏଥିରେ ପାଣ୍ଡିଆପାଲି ବିଜୟୀ ହୋଇଥିଲା। ଦ୍ଵିତୀୟ ମ୍ୟାଚ୍ ଟି ସମଲେଶ୍ଵରୀ ଟାଇଗର ସୋନପୁର ଓ ରୁଗୁଡ଼ିପାଲି ମଧ୍ୟରେ ହୋଇଥିଲା । ଏଥିରେ ସୋନପୁର ଦଳ ବିଜୟୀ ହୋଇଥିଲା । ସମଲେଶ୍ଵରୀ ଟାଇଗର ସୋନପୁର ଓ ପଣ୍ଡିଆପାଲି ମଧ୍ୟରେ ଅନୁଷ୍ଠିତ କ୍ୱାର୍ଟର ଫାଇନାଲ ମ୍ୟାଚ୍ ରେ ପାଣ୍ଡିଆପାଲି ଦଳ ପ୍ରଥମ ବ୍ୟାଟିଂ କରି ୬୧ ରନ କରିଥିବା ବେଳେ ସମଲେଶ୍ଵରୀ ଟାଇଗର ସୋନପୁର ଦଳ ୫୮ ରନ କରି ପରାସ୍ତ ହୋଇଥିଲା । ଫଳରେ ପଣ୍ଡିଆପାଲି ଦଳ ଦ୍ଵିତୀୟ ଦଳ ଭାବେ ସେମି ଫାଇନାଲ ରେ ପ୍ରବେଶ କରିଛି । ମ୍ୟାଚ ଗୁଡ଼ିକ ରେ ସୁବ୍ରତ ବେହେରା , ପ୍ରଫୁଲ୍ଲ ବେହେରା , ରାଜୀବ ପ୍ରଧାନ ଆମ୍ପ୍ୟାର , କୁମାର ସେଠୀ ସ୍କୋରର ଏବଂ ରିଙ୍କୁ ଭୋଇ ଧାରା ବିବରଣୀ ପ୍ରଦାନ କରିଥିଲେ ।