ସୌମିତ୍ରି ମେହେର

9/11/2023 at 1:04 PM

ବୀରମହାରାଜପୁର : ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ସ୍ଥିତ ଜଗନ୍ନାଥ ମନ୍ଦିର ର ଦୁଇଟି ହୁଣ୍ଡି ରୁ ଲୁଟ ହୋଇଥିବା ନେଇ ଥାନାରେ ଅଭିଯୋଗ ହୋଇଥିଲା I ବୀରମହାରାଜପୁର ପୁଲିସ ଥାନା ଥାନା କେଶ୍ ନ. 200/23 ରେ କେଶ୍ ରୁଜୁ କରି ତଦନ୍ତ ଆରମ୍ଭ କରିଥିଲା I ଉକ୍ତ ଘଟଣାରେ ସମ୍ପୃକ୍ତ ଥିବା ଅଭିଯୋଗ ରେ ଦୁଇ ଜଣ ନାବାଳକ ଙ୍କୁ ପୁଲିସ ଥାନାକୁ ଆଣି ପଚରା ଉଚରା କରି ଥିଲେ l ସେମାନଙ୍କ ଠାରୁ ନଗଦ 520 ଟଙ୍କା ଜବତ କରିଥିଲା I ବୁଧବାର ଉଭୟଙ୍କୁ କିଶୋର ନ୍ୟାୟ ବୋର୍ଡ ଆଗରେ ହାଜର କରାଯାଇଥିଲା l ସେଠାରେ ସେମାନଙ୍କ ଜାମିନ ଆବେଦନ ମଞ୍ଜୁର ହୋଇଥିବା ସୂଚନା ମିଳିଛି l ପ୍ରକାଶ ଯେ ଉଭୟ ଦୁଇ ନାବାଳକ ପ୍ରାୟ ଦୁଇ ମାସ ପୂର୍ବରୁ ଏହି ଜଗନ୍ନାଥ ମନ୍ଦିର ପରିସରରେ ଥିବା ମା ମହାଲକ୍ଷ୍ମୀ ମନ୍ଦିର ଦାନ ଥାଲ ରୁ ଦିନ 11 ଟା ସମୟରେ ଚୋରି କରି ଧରା ପଡିଥିଲେ I ପରେ ପୁଲିସ ଥାନାକୁ ଡାକି ତଦନ୍ତ କରି ଉଭୟ ଙ୍କୁ ନାବାଳକ ଭାବି ଛାଡି ଦେଇଥିଲା l ହେଲେ ଏହି ଦୁଇଟି ହୁଣ୍ଡି ଲୁଟ ହୋଇଥିବା ଘଟଣାରେ କେଉଁମାନେ ସମ୍ପୃକ୍ତ ଅଛନ୍ତି ପୋଲିସ ତଦନ୍ତ ଜାରି ରଖିଛି I