ସୌମିତ୍ରି ମେହେର

20/11/2023 at 7:09 PM

ବୀରମହାରାଜପୁର : ସୁବର୍ଣ୍ଣପୁର ଜ଼ିଲ୍ଲା ବୀରମହାରାଜପୁର ବ୍ଲକ ର ସୁବଳୟା ରାଧାକୃଷ୍ଣ ମନ୍ଦିର ପରିସରରେ ରବିବାର ସନ୍ଧ୍ୟାରେ ମେହେର (ଭୂଲିଆ) ସମାଜ ର ଆଞ୍ଚଳିକ କମିଟି ଗଠିତ ହୋଇଛି l ଏ ନେଇ ଏକ ସାଧାରଣ ସଭା ଆୟୋଜିତ ହୋଇଥିଲା I ଉକ୍ତ ସଭା ରେ କମଳପୁର ମେହେର ଭୂଲିଆ ସମାଜ ଆଞ୍ଚଳିକ କମିଟି ର ସଭାପତି ଶତ୍ରୁଘ୍ନ ମେହେର ସଭାପତିତ୍ୱ କରିଥିବାବେଳେ ସୁବର୍ଣ୍ଣପୁର ପୂର୍ବତନ ଜ଼ିଲ୍ଲା ସଭାପତି ସୌମିତ୍ରୀ ମେହେର ମୁଖ୍ୟ ଅତିଥି ଭାବେ ଯୋଗ ଦେଇଥିଲେ l ପ୍ରଥମେ ସ୍ଵଭାଵ କବି ଗଙ୍ଗାଧର ମେହେର ଙ୍କ ତୈଳ ଫଟୋରେ ଅତିଥି ମାନଙ୍କ ଦ୍ୱାରା ଦୀପପ୍ରଜ୍ଵଲନ ଓ ପୁଷ୍ପ ମାଲ୍ୟ ଅର୍ପଣ କରାଯାଇଥିଲା l ସଭା ର ସଭାପତି ଶତ୍ରୁଘ୍ନ ମେହେର ଆଜିର ଭୂଲିଆ ସମାଜ ର ରୀତିନୀତି ଉପରେ ବକ୍ତବ୍ଯ ରଖି ସମାଜ ର ସମସ୍ତ ନୀତିନିୟମକୁ ମାନିଚାଲିବା ଏବଂ ସମାଜ ରେ ଥିବା ଅନ୍ଧ ବିଶ୍ୱାସ ଓ କୁ ସଂସ୍କାର କୁ ଦୂର କରି ଭୂଲିଆ ସମାଜ କୁ ଏକତା ରଜ୍ଜୁ ରେ ବାନ୍ଧି ଗଙ୍ଗାଧର ଙ୍କ ପଥକୁ ଅନୁସରଣ କରିବାକୁ ପରାମର୍ଶ ଦେଇଥିଲେ l ମୁଖ୍ୟ ଅତିଥି ଶ୍ରୀ ମେହେର ତାଙ୍କ ବକ୍ତବ୍ଯରେ ସମସ୍ତ ମେହେର( ଭୂଲିଆ) ସମାଜ ଏକଜୁଟ ହୋଇ ନିଜର କୌଳିକ ବୃତ୍ତି ଲୁଗାବୁଣା କୁ ପେସା ଭାବେ ଆପଣେଇ ନେଇ ନିଜ ନିଜ ପରିବାର କୁ ସ୍ୱାବଲମ୍ବୀ ହେବାକୁ ପରାମର୍ଶ ଦେଇ ଥିଲେ l ଏହି ଅବସରରେ ନିଖିଳ ଓଡିଶା ମେହେର (ଭୂଲିଆ )ସମାଜ ର ସଭାପତି ଙ୍କ ନିର୍ଦ୍ଦେଶ କ୍ରମେ ଆସନ୍ତା 2024ରେ ଗଙ୍ଗାଧର ଙ୍କ ପୁଣ୍ୟ ଜନ୍ମ ମାଟି ବରପାଲି ରେ ସାତ ଦିନ ଧରି ହେବାକୁ ଥିବା ଶତ ବାର୍ଷିକ ଉତ୍ସବ ପାଳନ ଓ ନିଖିଳ ଓଡିଶା ମେହେର (ଭୂଲିଆ )ସମାଜ ର କର୍ମକର୍ତ୍ତା ନିର୍ବାଚନ ହେବାକୁ ଥିବାରୁ ସୁବଳୟା ଠାରେ ଏକ ଆଞ୍ଚଳିକ କମିଟି ଗଠନ କରାଯାଉ ଥିବା କଥା କହିଥିଲେ l ଯେହେତୁ ଭୁଲିଆ ସାମାଜ ର ବ୍ୟକ୍ତି ମାନଙ୍କୁ ନେଇ ପ୍ରଥମେ ଗ୍ରାମାଞ୍ଚଳରେ ଆଞ୍ଚଳିକ କମିଟି , ବ୍ଲକ ସ୍ତରୀୟ କମିଟି ଏବଂ ଜିଲ୍ଲା ତଥା କେନ୍ଦ୍ର ବୋର୍ଡ ଗଠିତ ହେବାର ବିଧି ନିୟମ ରହିଛି l କମିଟି ରେ ଉପସ୍ଥିତ ସମସ୍ତ ସଭ୍ୟ ସଭ୍ୟା ଙ୍କ ସର୍ବ ସମ୍ମିତି କ୍ରମେ ଶ୍ରୀ ଶିବନାରାୟଣ ମେହେର ଙ୍କୁ ସଭାପତି , ଡୋଲlମଣି ମେହେର ଓ ମାଧବ ମେହେର ଙ୍କୁ ଉପସଭାପତି , ପରେଶ ମେହେର ଙ୍କୁ ସାଧାରଣ ସମ୍ପାଦକ , ହୃଷିକେଶ ମେହେର ଓ ରାମଚନ୍ଦ୍ର ମେହେର ଙ୍କୁ ସହ ସମ୍ପାଦକ ଓ ସୌମିତ୍ରୀ ମେହେର ଙ୍କୁ କୋଷାଧକ୍ଷ ଭାବେ ଚୟନ କରାଯାଇଥିଲା l ସେହିପରି କାର୍ଯ୍ୟକାରୀ ସଭ୍ୟ ଭାବେ ନାରାୟଣ ମେହେର, ଘନଶ୍ୟାମ ମେହେର , ଦୀପକ, ଶୁରୁବାବୁ , ଅଚ୍ୟୁତ , ମୋହନ , ତପନ , କିଶୋର ଚନ୍ଦ୍ର , ବୃନ୍ଦାବନ , ମହାଦେବ , ଗରୁଡ଼ , କୁମାର , ବନମାଳୀ , ସୁଦାମ , ଲଲିତ , ମେଘୁ, କୌଶିକ , ଝରିଆ , ଚନ୍ଦ୍ରଶେଖର , ରାଧାଶ୍ୟାମ , ପିତାମ୍ବର ପ୍ରମୁଖ ଙ୍କୁ ଚୟନ କରାଯାଇଛି l ଉକ୍ତ କାର୍ଯ୍ୟକ୍ରମରେ ଶତାଧିକ ବ୍ୟକ୍ତି ଉପସ୍ଥିତ ଥିଲେ I ଶେଷରେ ହୃଷୀକେଶ ମେହେର ଧନ୍ୟବାଦ ଅର୍ପଣ କରିଥିଲେ I