ସୌମିତ୍ରି ମେହେର23/11/2023 at 11:10 AM
ବୀରମହାରାଜପୁର : ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଉଫୁଳା ପଞ୍ଚାୟତ ସ୍ଥିତ ଟିଠି ପାଲି ଗ୍ରାମ ରମେଶ୍ଵର ମନ୍ଦିର ପ୍ରାଙ୍ଗଣରେ ପଞ୍ଚମୁଖୀ ହନୁମାନ ବିଗ୍ରହ ପ୍ରତିଷ୍ଠା ଉତ୍ସବ ଅନୁଷ୍ଠିତ ହୋଇଯାଇଛି I ଏଥିପାଇଁ ସୋମବାର କଳସ ଯାତ୍ରା ହୋଇ ଥିବା ବେଳେ ମଙ୍ଗଳବାର ପଞ୍ଚମୁଖୀ ହନୁମାନ ବିଗ୍ରହ ଙ୍କ ପ୍ରାଣ ପ୍ରତିଷ୍ଠା ହୋଇଥିଲା I ତିନିଦିନ ଧରି ଆୟୋଜିତ କାର୍ଯ୍ଯକ୍ରମରେ ପ୍ରତ୍ୟହ ତୁଳସୀ ରାମାୟଣ , ହନୁମାନ ଚାଳିଶା ପଠନ ସହିତ ହନୁମାନ କଥା ପ୍ରବଚନ ହୋଇଥିଲା l ତପନ ଦାଶ ବ୍ଯାସ ଭାବେ ଯୋଗଦେଇ ତୁଳସୀ ରାମାୟଣ ପରାୟଣ ଏବଂ ପରମେଶ୍ଵର ମଲ୍ଲିକ ପ୍ରବଚନ ଦେଇଥିଲେ I ରାଜ କୁମାର ପାତ୍ର ସପତ୍ନିକ କର୍ତ୍ତା ଏବଂ ରତନ ନନ୍ଦ ପୂଜକ ଦାୟିତ୍ଵ ତୁଲାଇଥିଲେ I ମନ୍ଦିର ପରିଚାଳନା କମିଟିର ସମ୍ପାଦକ ମଳୟ ଅମାତ ଙ୍କ ସମେତ ସୁବ୍ରତ ପାତ୍ର , ଚନ୍ଦନ ପାତ୍ର , ପ୍ରିୟବ୍ରତ ଅମାତ ,ମଣ୍ଟୁ ପାତ୍ର ପ୍ରମୁଖ ଙ୍କ ସହ ଗ୍ରାମବାସୀ ସହଯୋଗ କରିଥିଲେ l