ମହେନ୍ଦ୍ର କୁମାର ସାଇ1/12/2023 at 11:21 AM
ଝାରସୁଗୁଡା ୦୧/୧୨ (ଓଡ଼ିଶା ନ୍ୟୁଜ) ଝାରସୁଗୁଡା ଜିଲ୍ଲା ବ୍ରଜରାଜନଗର ସଂକୁଳ ଅଧିନସ୍ଥ ପଞ୍ଚଗାଁ ସରସ୍ୱତୀ ଶିଶୁ ମନ୍ଦିର ଶିଶୁ ବାଟୀକା ବିଭାଗରେ “ଶିଶୁ ଶିବିର” କାର୍ଯ୍ୟକ୍ରମ ଅନୁଷ୍ଠିତ ହୋଇ ଯାଇଛି । ସର୍ବ ପ୍ରଥମେ ମାତୃ ଭାରତୀ କମିଟିର ସଦସ୍ୟା ପଦ୍ମିନୀ ସାହୁ ଦ୍ବୀପ ପ୍ରଜ୍ବଳନ କରି କାର୍ଯ୍ୟକ୍ରମକୁ ଶୁଭାରମ୍ଭ କରିଥିଲେ । ପଞ୍ଚଗାଁ ସରସ୍ୱତୀ ଶିଶୁ ମନ୍ଦିର ପ୍ରଧାନ ଆଚାର୍ଯ୍ୟ ସନ୍ତୋଷ କୁମାର ରଥ ଅଧ୍ୟକ୍ଷତା କରିଥିବା ବେଳେ ଶିଶୁ ବାଟୀକା ପ୍ରମୁଖ ମଞ୍ଜୁଲତା କାଳସେ କାର୍ଯ୍ୟକ୍ରମକୁ ପରିଚାଳନା କରିଥିଲେ । ସକାଳ ୮ ଟା ରୁ ଶିଶୁ ମାନେ ବିଦ୍ୟାଳୟକୁ ଆସି ବୌଦ୍ଧିକ ମଣ୍ଡପ ସାଜସଜ୍ଜା କରିବା ସହ ବିଦ୍ୟାଦାତ୍ରୀ ମା ସରସ୍ଵତୀଙ୍କ ବନ୍ଦନା ଗାନ କରିଥିଲେ । ଏହା ବ୍ୟତୀତ ପ୍ରତ୍ୟେକ ଶିଶୁ ନିଜ ନିଜ ଦୈନନ୍ଦିନ ଜୀବନଚର୍ଯ୍ୟା କିଭଳି ନିଜେ ନିଜ ପାଇଁ କରିବେ ସେ ସମ୍ବନ୍ଧରେ ବିଷଦ ଭାବେ ବୁଝାଇବା ସହ ଶିଶୁ ମାନଙ୍କୁ ସୁକ୍ଷ୍ମ ବ୍ୟାୟାମ ଅଭ୍ୟାସ ମଧ୍ୟ କରାଇ ଥିଲେ । ଉକ୍ତ କାର୍ଯ୍ୟକ୍ରମରେ ବିଦ୍ୟାଳୟର ଗୁରୁଜୀ, ଗୁରୁମା,ସେବିକା ଏବଂ ମାତୃ ଭାରତୀ ର ସମସ୍ତ ସଦସ୍ୟା ସହଯୋଗ କରିଥିଲେ ।