ସୌମିତ୍ରି ମେହେର6/01/2024 at 7:08 PM
ବୀରମହାରାଜପୁର : (ସୌମିତ୍ରି ମେହେର)
ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଅନ୍ତର୍ଗତ କମିରା ପଞ୍ଚାୟତ ର ବିକଳପୁର ଗ୍ରାମରେ ହେଉଥିବା ୧୭ତମ ଆନ୍ତଃରାଜ୍ୟ ମା ‘ ମାହେଶ୍ୱରୀ କ୍ରିକେଟ ଟୁର୍ଣ୍ଣାମେଣ୍ଟ ର ଶୁକ୍ରବାର ମ୍ୟାଚ୍ ରେ ଜେସିସି ସମ୍ବଲପୁର କୁ ହରାଇ ଏସ ଡି ସି ଏ ସୋନପୁର ବିଜୟୀ ହୋଇ ସେମି ଫାଇନାଲ ରେ ପ୍ରବେଶ କରିଛି। ଶୁକ୍ରବାର ମ୍ୟାଚ୍ ଟି ଦୁଇ ଟି ଫର୍ମାଟ ରେ ହୋଇଥିଲା । ପ୍ରଥମ ଫର୍ମାଟ ରେ ସୋନପୁର ଦଳ ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ୧୨ଓଭର ରେ ୮ ଉଇକେଟ ହରାଇ ୧୧୧ ରନ କରିଥିଲା। ଦଳର ଉମାଶଙ୍କର ହୋତା ୩୦ ରନ ଓ ଅଭିଳାଷ ନାୟକ ୨୨ରନ କରିଥିଲେ। ବିପକ୍ଷ ସମ୍ବଲପୁର ର ଅଭିଳାଷ ନନ୍ଦ ଓ ପ୍ରଶାନ୍ତ କେ. ଦାସ ପ୍ରତ୍ୟେକ ୨ ଟି ଲେଖାଏଁ ଉଇକେଟ ନେଇଥିଲେ। ଜବାବରେ ସମ୍ବଲପୁର ଦଳ ୧୦.୩ ଓଭର ରେ ସମସ୍ତ ଉଇକେଟ ହରାଇ ୬୨ ରନ କରିଥିଲା । ଦଳର ନିଶିଥ ସିଂ ୧୪ ଓ ପ୍ରଶାନ୍ତ କେ.ଦାସ ୧୦ ରନ କରିଥିଲେ। ବିପକ୍ଷ ସୋନପୁର ର ଗୌରବ ରାଉତ ୩ ଟି , ଗୌତମ ଦାସ , ବିକି ନାଗ, କେ. ଜି. କ୍ରିଷ୍ଣା ପ୍ରତ୍ୟେକ ୨ ଟି ଲେଖାଏଁ ଉଇକେଟ ନେଇଥିଲେ । ଦ୍ଵିତୀୟ ଫର୍ମାଟ ରେ ସୋନପୁର ଦଳ ନିର୍ଦ୍ଧାରିତ ୮ ଓଭର ରେ ୪ ଉଇକେଟ ହରାଇ ୯୨ ରନ କରିଥିଲା । ଦଳର କେ. ଜି. କ୍ରିଷ୍ଣା ୩୫ ଓ ଗୌରବ ରାଉତ ୨୨ ରନ କରିଥିଲେ । ସମ୍ବଲପୁର ର ବାଦଲ ନିସାଦ ଓ ଡିନା ଦାସ ପ୍ରତ୍ୟେକ ୨ ଟି ଲେଖାଏଁ ଉଇକେଟ ନେଇଥିଲେ। ଜବାବରେ ସମ୍ବଲପୁର ଦଳ ନିର୍ଦ୍ଧାରିତ ୮ ଓଭର ରେ ୭ ଉଇକେଟ ହରାଇ ୭୭ ରନ କରିଥିଲା । ଦଳର କେ. ଜି.କ୍ରିଷ୍ଣା ୩ଟି ଓ ଗୌରବ ରାଉତ ୨ଟି ଉଇକେଟ ନେଇଥିଲେ । ଉଭୟ ଫର୍ମାଟ ରେ ବିଜୟୀ ହୋଇ ସୋନପୁର ଦଳ ୨-୦ ରେ ମ୍ୟାଚ୍ କୁ ଜିଣି ସେମି ଫାଇନାଲ ରେ ପ୍ରବେଶ କରିଛି । ଅନୁଷ୍ଠିତ ପୁରସ୍କାର ବିତରଣି ଉତ୍ସବ ରେ କ୍ରୀଡାବିତ ରମାକାନ୍ତ ପୁରୋହିତ , ଦେବାଶିଷ ପ୍ରଧାନ ଓ ଦିଲ୍ଲୀପ ମେହେର ଅତିଥି ଭାବେ ଯୋଗଦେଇ ସୋନପୁର ର କେ. ଜି. କ୍ରିଷ୍ଣା ଙ୍କୁ ମ୍ୟାନ ଅଫ ଦି ମ୍ୟାଚ ଭାବେ ପୁରସ୍କୃତ କରିଥିଲେ । ମ୍ୟାଚ୍ ଟି କୁ ସୁରେଶ ବିଶି ଓ ଶ୍ରୀବନ୍ତ ନାୟକ ପରିଚାଳନା କରିଥିବା ବେଳେ ଚନ୍ଦ୍ର ଶେଖର ପ୍ରଧାନ ସ୍କୋରର , ପରକ୍ଷିତ କର୍ଣ୍ଣ ଅନଲାଇନ ସ୍କୋରିଙ୍ଗ ଏବଂ ବି. ଏସ.ରାଓ ଏବଂ ଦେବେନ୍ଦ୍ର ଭୋଇ ଧାରାବିବରଣୀ ପ୍ରଦାନ କରିଥିଲେ I