ସୌମିତ୍ରି ମେହେର20/01/2024 at 5:59 PM
ବୀରମହାରାଜପୁର : (ସୌମିତ୍ରି ମେହେର)
ଭାଷା ଭିତ୍ତିରେ ରାଜ୍ୟ ଗଠନ କରିବାରେ ଓଡିଶା ପ୍ରଥମ । ଭାଷା ବଞ୍ଚିଲେ ଆମେ ବଞ୍ଚିବା। ସମଗ୍ର ବିଶ୍ୱରେ ଓଡ଼ିଆ ଭାଷାର ପ୍ରସାର ଓ ପ୍ରଚାର ପାଇଁ ପ୍ରତ୍ୟେକ ଓଡ଼ିଆ ସଂକଳ୍ପବଦ୍ଧ ହୁଅନ୍ତୁ। ବିଶ୍ଵ ଓଡ଼ିଆ ଭାଷା ସମ୍ମିଳନୀ ଆୟୋଜନ ଫଳରେ ପ୍ରତ୍ୟେକ ଛାତ୍ର ଛାତ୍ରୀ ସେମାନଙ୍କ ପ୍ରତିଭା କୁ ପ୍ରଦର୍ଶିତ କରିବାକୁ ସମର୍ଥ ହେବେ । ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଅନ୍ତର୍ଗତ ଅମରପାଲି ହାଇସ୍କୁଲ ରେ ଅନୁଷ୍ଠିତ ବିଦ୍ୟାଳୟ ସ୍ତରୀୟ ବିଶ୍ଵ ଓଡ଼ିଆ ଭାଷା ସମ୍ମିଳନୀ ଅବସର ରେ ମଞ୍ଚାସିନ ଅତିଥି ମାନେ ଉପରୋକ୍ତ ମତବ୍ୟକ୍ତ କରିଥିଲେ । ପ୍ରଧାନ ଶିକ୍ଷକ ଉମେଶ ଚନ୍ଦ୍ର ପଣ୍ଡା ଙ୍କ ଅଧ୍ୟକ୍ଷତାରେ ଅନୁଷ୍ଠିତ ସଭାରେ ବୀରମହାରାଜପୁର କଲେଜର ଇତିହାସ ବିଭାଗର ମୁଖ୍ୟ ଡ.ହିମାଂଶୁ ପାଢ଼ୀ ମୁଖ୍ୟ ଅତିଥି ଏବଂ ସ୍ଥାନୀୟ ସରପଞ୍ଚ ନିରୁପମା ସେଠୀ , ସମିତିସଭ୍ୟା ସୁଗନ୍ଧା ଘିବିଲା ,ପ ପୂର୍ବତନ ସମିତି ସଭ୍ୟ ପୀତାମ୍ବର ସାହୁ ପ୍ରମୁଖ ସମ୍ମାନିତ ଅତିଥି ଭାବେ ଯୋଗଦେଇ ଓଡ଼ିଆ ଭାଷା ସାହିତ୍ୟ ଉପରେ ମତବ୍ୟକ୍ତ କରିଥିଲେ । ଶିକ୍ଷକ ସମ୍ବିତ ପ୍ରଧାନ ଅତିଥି ପରିଚୟ ପ୍ରଦାନ କରିଥିବା ବେଳେ ଶ୍ୟାମ ସୁନ୍ଦର ସେଠୀ ଉଦ୍ଦେଶ୍ୟ ଜ୍ଞାପନ କରିଥିଲେ । ବ୍ରହ୍ମାନନ୍ଦ ପ୍ରଧାନ ଧନ୍ୟବାଦ ଅର୍ପଣ କରିଥିଲେ । ଏହି ଅବସରରେ ଛାତ୍ର ଛାତ୍ରୀ ମାନଙ୍କ ମଧ୍ୟରେ ସାହିତ୍ୟ ସୃଜନୀ ର ମୋ କଥା ମୋ କାହାଣୀ ପୁସ୍ତକ ପ୍ରଦର୍ଶନୀ , ବିଜ୍ଞାନ ପ୍ରକଳ୍ପ ପ୍ରଦର୍ଶନ , ସ୍କାଚ ପ୍ରକଳ୍ପ ପ୍ରଦର୍ଶନ, ଗଳ୍ପ କଥନ , କବିତା ଆବୃତ୍ତି , ପୁସ୍ତକ ସମୀକ୍ଷା , ନୃତ୍ୟ ଆଦି ପ୍ରତିଯୋଗିତା କରାଯାଇଥିଲା । ଏଥିରେ କୃତି ପ୍ରତିଯୋଗୀଙ୍କୁ ମାନପତ୍ର ଦେଇ ପୁରସ୍କୃତ କରାଯାଇଥିଲା। ଋଷିକୁଲ୍ୟା ( ଜିଜ୍ଞାସା) ଗ୍ରୁପ କୁ ହାଉସ ଅଫ ଦି ଇଅର ଭାବେ ପୁରସ୍କୃତ କରାଯାଇଥିଲା। ପଦ୍ମନାଭ ପ୍ରଧାନ ପୁରସ୍କାର ବିତରଣ ରେ ଛାତ୍ରୀ ଛାତ୍ର ଙ୍କ ନାମ ଘୋଷଣା କରିଥିଲେ । ସଭା ପରେ ଛାତ୍ର ଛାତ୍ରୀ ଙ୍କ ଦ୍ଵାରା ସାଂସ୍କୃତିକ ପରିବେଷଣ କରାଯାଇଥିଲା। ଏହି ଅବସର ରେ ସ୍କୁଲ ପରିଚାଳନା କମିଟିର ସଦସ୍ୟ ଯୋଗଦେଇଥିଲେ। କହ୍ନେଇ ଚରଣ ପ୍ରଧାନ , ନଟବର ରଣା , ନଟିଆ ଚରଣ ସାହୁ , ଜଗନ୍ନାଥ ସାହୁ , ଗୋବର୍ଦ୍ଧନ ନାଏକ ପ୍ରମୁଖ କାର୍ଯ୍ୟକ୍ରମ ପରିଚାଳନା ରେ ସହଯୋଗ କରିଥିଲେ।