ରାଜୀବ ଲୋଚନ ମିଶ୍ର27/01/2024 at 5:21 AM
ଗୋପାଳପୁର,୨୬/୦୧
ପି. ଏମ. ଶ୍ରୀ କେନ୍ଦ୍ରୀୟ ବିଦ୍ୟାଳୟ ଗୋପାଳପୁର ମିଲିଟାରୀ ଷ୍ଟେସନରେ ଶୁକ୍ରବାର ଦିନ ୭୫ ତମ ଗଣତନ୍ତ୍ର ଦିବସ ପାଳନ କରାଯାଇଛି। ଏହି ଉପଲକ୍ଷେ ପ୍ରାଚାର୍ଯ୍ୟ ଶ୍ରୀଯୁକ୍ତ ବିରଞ୍ଚି ନାରାୟଣ ଦାସ ଜାତୀୟ ପତାକା ଉତ୍ତୋଳନ କରି ଛାତ୍ରଛାତ୍ରୀମାନଙ୍କୁ ଗଣତନ୍ତ୍ରର ମହତ୍ତ୍ୱ ଓ ଗାରିମା ବିଷୟରେ ପ୍ରେରଣାଦାୟୀ ଉଦବୋଧନ ପ୍ରଦାନ କରିଥିଲେ। ମାନନୀୟ ପ୍ରାଚାର୍ଯ୍ୟ ଙ୍କ ପତ୍ନୀ ଶ୍ରୀମତୀ ମମତା ଦାସ ସମ୍ମାନିତ ଅତିଥି ଭାବେ ଉପସ୍ଥିତ ଥିଲେ।ଶ୍ରୀମତୀ ପ୍ରିୟଙ୍କା ପ୍ରିୟଦର୍ଶିନୀ ଓ ଶ୍ରୀଯୁକ୍ତ ଆନନ୍ଦ ସିଂହ ମଞ୍ଚ ପରିଚାଳନା କରିଥିଲେ। ସୁଖ କୁମାରୀଙ୍କ ନେତୃତ୍ଵରେ NCC ଟ୍ରୁପ୍ ବିଦ୍ୟାଳୟ ପରିସରରେ ପ୍ୟାରେଡ୍ କରିଥିଲେ । ଏହାପରେ ଛାତ୍ରଛାତ୍ରୀ ମାନଙ୍କ ଦ୍ଵାରା ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିଲା ଯାହାକି ପିଲାମାନଙ୍କ ମଧ୍ୟରେ ଦେଶାତ୍ମବୋଧକ ଭାବନା ଉଜ୍ଜିବିତ କରିଥିଲା। ପରିଶେଷରେ ପିଲାମାନଙ୍କୁ ମିଷ୍ଟାନ୍ନ ବଣ୍ଟନ କରାଯାଇଥିଲା।