ରାଜୀବ ଲୋଚନ ମିଶ୍ର27/01/2024 at 6:06 PM
ଗୋପାଳପୁର,୨୭/୦୧
ପାଲୁର ହିଲ ସ୍ତିତ ନିଷ୍ଟ୍ ଅନୁଷ୍ଠାନ ପରିସରରେ ନିଷ୍ଟ୍ ଅନୁଷ୍ଠାନ ର ମ୍ୟାନେଜମେଣ୍ଟ୍ ଷ୍ଟଡିଜ୍ ବିଭାଗ ପକ୍ଷରୁ ବ୍ୟବସ୍ଥିତ ସାହିତ୍ୟ ସମୀକ୍ଷା ଓ ବିବ୍ଲିଓମେଟ୍ରିକ୍ ଆନାଲିସିସ୍ (ଏସଏଲଆର୍ ଓ ବିଏ-୨୦୨୪) ଉପରେ ଏକ ସପ୍ତାହିଆ ଫ୍ୟାକଲ୍ଟି ଡେଭଲପମେଣ୍ଟ୍ ପ୍ରୋଗ୍ରାମ୍ (ଏଫ ଡି ପି ) ୨୦୨୪ ଜାନୁଆରୀ ୨୨ରୁ ୨୭ ତାରିଖ ପର୍ୟ୍ୟନ୍ତ ଆୟୋଜିତ ହୋଇଥିଲା।ଆଜି ଅନୁଷ୍ଠିତ ଉଦଯାପନୀ ଉତ୍ସବରେ ବ୍ରହ୍ମପୁର ବିଶ୍ୱବିଦ୍ୟାଳୟର ଅର୍ଥନୀତି ବିଭାଗର ପ୍ରଫେସର (ଡଃ) ସୁଧାକର ପାତ୍ର ମୁଖ୍ୟ ଅତିଥି ଭାବେ ଯୋଗଦେଇ ଥିଲେ । ନିଷ୍ଟ୍ ଅନୁଷ୍ଠାନ ପ୍ରତିଷ୍ଠାତା ଅଧ୍ୟକ୍ଷ ଡ. ସୁକାନ୍ତ କେ. ମହାପାତ୍ର ଭର୍ଚୁଆଲ ଯୋଗ ଦେଇ କହିଥିଲେ ଯେ ଗବେଷଣା ଏବଂ ନବସୃଜନ ଆଜିର ଦୁନିଆର ମୂଳଦୁଆ। ସେ କାର୍ୟ୍ୟକ୍ରମରେ ସକ୍ରିୟ ଭାବେ ସାମିଲ ହେବା ପାଇଁ ଅଂଶଗ୍ରହଣକାରୀମାନଙ୍କୁ ଉତ୍ସାହିତ କରିଥିଲେ। ନିଷ୍ଟ୍ ଅନୁଷ୍ଠାନ ଅଧକ୍ଷ ଡକ୍ଟର ପି. ରାଜେଶ କୁମାର ଅତିଥିମାନଙ୍କୁ ସ୍ୱାଗତ କରିବା ସହ ଏଫ ଡି ପି ରେ ସାମିଲ ହୋଇଥିବାରୁ ଅଂଶଗ୍ରହଣକାରୀମାନଙ୍କୁ କୃତଜ୍ଞତା ଜ୍ଞାପନ କରିଥିଲେ। ଉପାଧ୍ୟକ୍ଷ ଡ. ବିଷ୍ଣୁକର ନାୟକ ଉପସ୍ଥିତ ଅତିଥିମାନଙ୍କୁ ଉତ୍ସାହିତ କରିବା ସହ ଶିକ୍ଷାବିତ୍ ମାନଙ୍କୁ ଗବେଷଣାର ମୂଲ୍ୟବୋଧ ଉପରେ ଆଲୋକପାତ କରିଥିଲେ, ଏମବିଏ ବିଭାଗୀୟ ମୁଖ୍ୟ ଡଃ ରତ୍ନାକର ମିଶ୍ରଙ୍କ କହିଥିଲେ ଯେ ଏଫଡିପି ର ଯୁବ ଗବେଷକଙ୍କ ପାଇଁ ବ୍ୟବଧାନକୁ ଦୂର କରିବାର ଲକ୍ଷ୍ୟ ରଖିଛି, ସେମାନଙ୍କୁ ବ୍ୟାବହାରିକ ଜ୍ଞାନ ଏବଂ ଉପକରଣ ଯୋଗାଇବା ଯାହା ଫଳରେ ସେମାନେ ଶୈକ୍ଷିକ ଗବେଷଣାର ଜଟିଳତାକୁ ପ୍ରଭାବୀ ଢଙ୍ଗରେ ପରିବେଷଣ କରିପାରିବେ। ଡକ୍ଟର ସାବ୍ୟାସାଚି ରଥ, ଡିନ୍ କହିଥିଲେ ଯେ SLR କୁ ବ୍ୟବହାର କରି ଅଂଶଗ୍ରହଣକାରୀମାନେ ସେମାନଙ୍କର ଅନୁସନ୍ଧାନ ଡୋମେନ୍ ବିଷୟରେ ଏକ ବିସ୍ତୃତ ଭାବେ ଜାଣିପାରିବେ | FDP ର ସଂଯୋଜକ ଡକ୍ଟର ଗାୟତ୍ରୀ ପଣ୍ଡା ଆଗାମୀ ଦିନ ପାଇଁ ବକ୍ତବ୍ୟର ଧାଡ଼ି ବର୍ଣ୍ଣନା କରିଥିଲେ। FDP ର ସହ-ସଂଯୋଜକ ଡକ୍ଟର ପ୍ରମଥ ନାଥ ଆଚାର୍ଯ୍ୟ ଧନ୍ୟବାଦ ଅର୍ପଣ କରିଥିଲେ। ଏହି କାର୍ଯ୍ୟକ୍ରମରେ ଭାରତ ତଥା ବିଦେଶୀ ଦେଶରୁ ୪୫ ଜଣ ଅଂଶଗ୍ରହଣ କରିଥିଲେ।