ଓଡ଼ିଶା ଡଟ୍ ନ୍ୟୁଜ୍ ବ୍ୟୁରୋ29/01/2024 at 2:19 PM
ଭୁୁବନେଶ୍ୱର: ଆଜି ଓଡିଶା ଗସ୍ତରେ ଆସୁଛନ୍ତି ଏଆଇସିସି ଅଧ୍ୟକ୍ଷ ମଲ୍ଲିକାର୍ଜୁନ ଖଡଗେ । ଭୁବନେଶ୍ୱର ବିମାନ ବନ୍ଦରରେ ପହଂଚିଲେ ଖଡଗେ । ଏଠାରେ ତାଙ୍କୁ ଦଳର ବରିଷ୍ଠ ନେତା ଓ କର୍ମୀମାନେ ଭବ୍ୟ ସ୍ୱାଗତ ସମ୍ବର୍ଦ୍ଧନା ଜଣାଇଛନ୍ତି । ଏଠାରୁ ବିରାଟ ଶୋଭାଯାତ୍ରାରେ ସେ ସିଧାସଳଖ କଂଗ୍ରେସ ଭବନ ଯାଇଛନ୍ତି । ଲୋୟର ପିଏମଜିରେ ଓଡିଶା ବଂଚାଅ ସମାବେଶରେ ଉଦବୋଧନ ଦେବେ । ଏଥିରେ ହଜାର ହଜାର କଂଗ୍ରେସ କର୍ମୀ ସାମିଲ ହେବେ । ସମାବେଶ ପରେ କଂଗ୍ରେସର ବରିଷ୍ଠ ନେତାଙ୍କ ସହ ଖଡଗେ ଆଲୋଚନା କରିବେ ।
ଲୋୟର ପିଏମଜିରେ ଆୟୋଜିତ ହେବାକୁ ଥିବା ଓଡିଶା ବଂଚାଅ ସମାବେଶରେ ପିସିସି ସଭାପତି ଶରତ ପଟ୍ଟନାୟକ, ପ୍ରଭାରୀ ଅଜୟ କୁମାରଙ୍କ ସମେତ ଓଡିଶା କଂଗ୍ରେସର ସମସ୍ତ ବିଧାୟକ, ବରିଷ୍ଠ ନେତାମାନେ ଯୋଗ ଦେବେ । ୨୦୨୪ ନିର୍ବାଚନକୁ ଆଉ କେଇ ମାସ ବାକି ରହିଛି । ନିର୍ବାଚନକୁ କଂଗ୍ରେସ ଗୁରୁତର ସହ ଗ୍ରହଣ କରିଛି । ୨୦୧୯ ସାଧାରଣ ନିର୍ବାଚନରେ ଦଳ ଶୋଚନୀୟ ପ୍ରଦର୍ଶନ କରିଥିଲା । ବିଧାନସଭାରେ ଦଳ ମାତ୍ର ୧୬ ପ୍ରତିଶତ ଭୋଟ୍ ପାଇଥିଲା । ୧୩୮ ବିଧାନସଭା କ୍ଷେତ୍ରରେ ଦଳ ପ୍ରାର୍ଥୀ ଦେଇଥିବା ବେଳେ ୩୧ଟି ଆସନରେ ଦ୍ୱିତୀୟ ଓ ୯୧ଟି ଆସନରେ ତୃତୀୟ ସ୍ଥାନରେ ରହିଥିଲା ।
ତେଣୁ ଜାତୀୟ ଦଳ ହିସାବରେ ଏଥର ରାଜ୍ୟ କଂଗ୍ରେସ ଲୋକଭା ଆସନକୁ ମଧ୍ୟ ଗୁରୁତ୍ୱ ଦେଉଛି । ୨୦୧୯ରେ କଂଗ୍ରେସ ଲୋକସଭା ଆସନକୁ ମଧ୍ୟ ଗୁରୁତ୍ୱ ଦେଉଛି । କାରଣ ୨୦୧୯ରେ ଦଳ ଓଡିଶାରୁ ମାତ୍ର ଗୋଟିଏ ଲୋକସଭା ସିଟ୍ ଜିତିଥିଲା । ମାତ୍ର ୧୪ ପ୍ରତିଶତ ଭୋଟ୍ ହାସଲ କରିଥିଲା । ତେଣୁ ଦଳ ଏଥର ନିଜର ସ୍ଥିତି ସୁଦୃଢ କରିବାକୁ କସରତ ଚଳାଇଛି ।