ରାଜୀବ ଲୋଚନ ମିଶ୍ର10/02/2024 at 2:47 AM
ଗୋପାଳପୁର ୯/୨
ବ୍ରହ୍ମପୁର ବିଶ୍ଵବିଦ୍ୟାଳୟ ରେ ଆଜି ଅପରାହ୍ନରେ ବ୍ରହ୍ମପୁର ବିଶ୍ଵବିଦ୍ୟାଳୟ କୁ ଭଞ୍ଜବିହାର ଏସବିଆଇ ଶାଖା ପକ୍ଷରୁ ୨ଟି ବ୍ୟାଟେରୀ ଚାଳିତ ୪ ଚକିଆ, ୬ ସିଟେଡର ଗାଡ଼ି ପ୍ରଦାନ କରାଯାଇଛି । ଏସବିଆଇ ପକ୍ଷରୁ ଭୁବନେଶ୍ୱରର ଜେନେରାଲ ମ୍ୟାନେଜର ଉତ୍ତମ କୁମାର ହାଜରା ଚୌଧୁରୀ, ବ୍ରହ୍ମପୁର ବ୍ରାଞ୍ଚର ଡିଜିଏମ ସନ୍ଦୀପ କୁମାର ଚୌବେ, ରିଜୋନାଲ୍ ମ୍ୟାନେଜର ପ୍ରଶାନ୍ତ କୁମାର ବେହେରା , ଭଞ୍ଜବିହାର ଶାଖାର ମ୍ୟାନଜର ଶିବାଶିଷ ଷଡ଼ଙ୍ଗୀ ଙ୍କ ସମେତ କର୍ମଚାରୀ ଉପସ୍ଥିତ ଥିବା ବେଳେ ବ୍ରହ୍ମପୁର ବିଶ୍ୱବିଦ୍ୟାଳୟ ପକ୍ଷରୁ କୁଳପତି ପ୍ରଫେସର ଗୀତାଞ୍ଜଳି ଦାଶ, କୁଳସଚିବ ସଚ୍ଚିଦାନନ୍ଦ ନାୟକ , ଉପ କୂଳସଚିବ ଡଃ ବାବୁଜୀ ସାମଲ , ସହ କୁଳସଚିବ ଡଃ.ସରୋଜ କୁମାର ଦାଶ , ବିତ୍ତ ନୀୟନ୍ତ୍ରକ ଅଶୋକ କୁମାର ଧାଙ୍ଗଡ଼ାମାଝୀ, ପରୀକ୍ଷା ନିୟନ୍ତ୍ରକ ଡ଼ଃ.ସତ୍ୟ ନାରାୟଣ କୁଣ୍ଡ , ପିଜି କାଉନସିଲ ଅଧ୍ୟକ୍ଷ ପ୍ରଫେସର୍ ସୁଶାନ୍ତ କୁମାର୍ ବରାଳଙ୍କ ସମେତ ଶିକ୍ଷକ ଓ ଅଣ ଶିକ୍ଷକ କର୍ମଚାରୀ ଉପସ୍ଥିତ ଥିଲେ । ଏହି ଅବସରରେ କୁଳପତି ପ୍ରଫେସର ଗୀତାଞ୍ଜଳି ଦାଶ ଙ୍କ ସହ ଯୋଗାଯୋଗ ବେଳେ ଏହି ଇ ଗାଡ଼ି ଦ୍ଵାରା ପ୍ରଦୂଷଣମୁକ୍ତ ସହ ପରିବେଶ ସୁସ୍ଥ ରହିବା ପାଇଁ ଏହା ଏକ ଭଲ ପଦକ୍ଷେପ ବୋଲି କହିବା ସହ ଆଗାମୀ ଦିନରେ ଆଉ ୨ଟି ଇ ଗାଡ଼ି ଅଣାଯିବ ବୋଲି କହିଛନ୍ତି।