ଗଜାନନ ଯୁବକ ସଂଘ ପକ୍ଷରୁ ନୂତନ ବିଡିଓ ମଣ୍ଟୁ ଖମାରୀ ଙ୍କୁ ସ୍ଵାଗତ
କଳାହାଣ୍ଡି, ୧୦/୦୨ (ଜଗନ୍ନାଥ ନାଏକ) : କଳାହାଣ୍ଡି ଜିଲ୍ଲା କର୍ଲାମୁଣ୍ଡା ବ୍ଲକ୍ ରେ ଯୋଗଦେଇଥିବା ନୂତନ ଗୋଷ୍ଠୀ ଉନ୍ନୟନ ଅଧିକାରୀ ମଣ୍ଟୁ ଖମାରୀ ଙ୍କୁ “ଗଜାନନ ଯୁବକ ସଂଘ,ଭୋଇରମୁଣ୍ଡା” ପକ୍ଷରୁ ସଭାପତି ଶ୍ରୀଯୁକ୍ତ ଗିରିଧାରୀ ସାହୁ ଓ ସମ୍ପାଦକ ଶ୍ରୀ ଅଶୋକ ସାହୁ ,ଖଗେଶ୍ବର ସାହୁ ପ୍ରମୁଖ ଫୁଳ ତୋଡା ଦେଇ ସ୍ୱାଗତ କରିଛନ୍ତି । କିଛି ସମୟ ଉଭୟଙ୍କ ମଧ୍ୟରେ କର୍ଲାମୁଣ୍ଡା ବ୍ଲକ୍ ର ଶିକ୍ଷା, ସ୍ୱାସ୍ଥ୍ୟ, ପରିମଳ, ଗମନାଗମନ, ଆଇନ୍ ଶୃଙ୍ଖଳା ବିଷୟରେ ଆଲୋଚନ ହୋଇଛି । ଅନୁଷ୍ଠାନ ର ଉନ୍ନତି ପାଇଁ ସହଯୋଗ କରିବାକୁ ଅନୁଷ୍ଠାନ ତରଫରୁ ଅରୁରୋଧ କରାଯାଇଥିଲା । ବିଡିଓ ଯାହାକିଛି ସମସ୍ୟା ଅଛି ଆଗାମୀ ଦିନରେ ସମାଧାନ କରିବାକୁ ପ୍ରତିଶ୍ରୁତି ଦେଇଛନ୍ତି। ଏଥିରେ ଭୋଇରମୁଣ୍ଡା ରୁ ତାଳଭଅଁରା ଛକ ରାସ୍ତା 2 କି.ମି. ଖାଲ ଢିପ ହୋଇଥିବାରୁ ଏହି ରାସ୍ତାକୁ ମେଟାଲ ମରୋମ କାମ କରିବାକୁ ଏକ ଲିଖିତ ଅନୁରୋଧ କରାଯାଇଛି । ଏହାକୁ ଏମଜିଏନ୍ଆରଜିଏସ୍ ବିଭାଗ କୁ ତୁରନ୍ତ ହସ୍ତାନ୍ତର କରିବା ସହ କାର୍ଯ୍ୟନିର୍ବାହୀ ଅଧିକାରୀ ରେଗଡା ବସନ୍ତ ମିଶ୍ର ଙ୍କୁ ଯଥାଶୀଘ୍ର କାର୍ଯ୍ୟ କୁ ତ୍ୱରାନ୍ୱିତ କରିବାକୁ କହିଛନ୍ତି। ଶ୍ରୀ ଖମାରୀ ତତ୍ପରତା ଦେଖାଇଥିବାରୁ ଅଶୋକ ସାହୁ ଅନୁଷ୍ଠାନ ପକ୍ଷରୁ ଧନ୍ୟବାଦ ଦେଇଛନ୍ତି।
