ବୀରମହାରାଜପୁର : (ସୌମିତ୍ରି ମେହେର) ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ବ୍ଲକ ଅନ୍ତର୍ଗତ ଲସ୍ତଳାର ନୂତନ ପଂଚାୟତ କାର୍ଯ୍ୟାଳୟ ଓ ଉଦେପଦର ପ୍ରମୋଦ ଉଦ୍ୟାନ ଉଦଘାଟିତ ହୋଇଯାଇଛି l ଏ ଅବସରରେ ଆମ ଓଡିଶା ନବୀନ ଓଡିଶା ପଂଚାୟତ ସ୍ତରୀୟ ସଚେତନତା କାର୍ଯ୍ୟକ୍ରମ ଶନିବାର ଆୟୋଜିତ ହୋଇଥିଲା l ସରପଞ୍ଚ ଶିବାନୀ ମହାକୁରଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି କାର୍ଯ୍ୟକ୍ରମକୁ ମୁଖ୍ୟ ଅତିଥି ଭାବରେ ବିଧାୟକ ପଦ୍ମନାଭ ବେହେରା ଯୋଗଦେଇ ପଂଚାୟତ କାର୍ଯ୍ୟାଳୟ ଏବଂ ପ୍ରମୋଦ ଉଦ୍ୟାନ ଫିତା କାଟି ଉଦଘାଟନ କରିଥିଲେ l ପରେ ଆୟୋଜିତ ସଚେତନତା ସଭାରେ ବିଧାୟକ ଶ୍ରୀଯୁକ୍ତ ବେହେରା ମୁଖ୍ୟ ଅତିଥି , ସମ୍ମାନିତ ଅତିଥି ଭାବରେ ହାଉସିଂ ବୋର୍ଡ ଅଧ୍ୟକ୍ଷ କଳିକେଶ ନାରାୟଣ ସିଂଦେଓ , ଅଧ୍ୟଖ୍ୟା ଶାନ୍ତିଲତା ମିଶ୍ର , ବିଡ଼ିଓ କରିସ୍ମା ବେସ୍ରା, ଏବିଡ଼ିଓ ଶୁଭ୍ରାଂଶୁ ଶେଖର ମଲ୍ଲିକ, ଜିଲ୍ଲା ପରିଷଦ ସଭ୍ୟା ବିଜୟ ଲକ୍ଷ୍ମୀ ତରାଇ , ସହକାରୀ ଯନ୍ତ୍ରୀ ମୁକ୍ତେଶ୍ଵର ମାଝୀ , ଯନ୍ତ୍ରୀ ସୁପ୍ରିୟା ଗୁରୁ , ଯନ୍ତ୍ରୀ ସଂଯୁକ୍ତା ପଧାନ , ସମିତି ସଭ୍ୟ ମହେନ୍ଦ୍ର ଭୋଇ ପ୍ରମୁଖ ମଂଚାସୀନ ହୋଇଥିଲେ l ରାଜ୍ୟ ସରକାରଙ୍କ କାର୍ଯ୍ୟକାରୀ ହେଉଥିବା ବିଭିନ୍ନ ଯୋଜନା ବିଷୟରେ ଅତିଥି ଗଣ ଜନସାଧାରଣଙ୍କୁ ଅବଗତ କରାଇଥିଲେ l ଏହି ଅବସରରେ ଅବସରପ୍ରାପ୍ତ ଶିକ୍ଷକ ସିରିଶ ପୁରୋହିତ , ଉପେନ୍ଦ୍ର ପାଣିଗ୍ରାହୀ , ପ୍ରଫୁଲ୍ଲ ପୁଝାରୀ , କବି ଗୌର ଚନ୍ଦ୍ର ପରିଛା , ମେଡିକାଲ ଛାତ୍ର ସୌମ୍ୟକାନ୍ତ ଶୁଭ ଦର୍ଶନ ପୂଜାରୀ , ଅବସର ପ୍ରାପ୍ତ ସେନା କର୍ମଚାରୀ ଅମ୍ବ ରିସ ପାଣିଗ୍ରାହୀ ଙ୍କ ସମେତ ସରପଞ୍ଚ , ସମିତିସଭ୍ୟ , ଅଙ୍ଗନବାଡି କର୍ମୀ , ଆଶା କର୍ମୀ , ସିଆରପି , ଏମବିକେ, ଏସଏଚଜି ମହିଳା , ୱାର୍ଡ ସଭ୍ୟ , ସଭ୍ୟା, କଳାକାର ମାନଙ୍କୁ ସମ୍ବର୍ଦ୍ଧିତ କରାଯାଇଥିଲା l ପରେ ସାଂସ୍କୃତିକ କାର୍ଯକ୍ରମ ପରିବେଷଣ ହୋଇଥିଲା l ଜିପିଈଓ ଶରତ ମିଶ୍ର ମଞ୍ଚ ପରିଚାଳନା କରିବା ସହ ଧନ୍ୟବାଦ ଦେଇଥିଲେ ।
ନୂତନ ପଞ୍ଚାୟତ କାର୍ଯ୍ୟାଳୟ ଓ ପ୍ରମୋଦ ଉଦ୍ୟାନ ଉଦଘାଟିତ
