ଜୟପାଟଣା ବ୍ଲକ ପାଇଲା NAC ମାନ୍ୟତା।ମୁଖ୍ୟମନ୍ତ୍ରୀ ଙ୍କୁ କୃତଜ୍ଞତା ଜଣାଇଲେ ଅଞ୍ଚଳବାସୀ।
କୋକସରା:୨୫/୦୨
କଳାହାଣ୍ଡି ଜିଲ୍ଲା ଲାଞ୍ଜିଗଡ ନିର୍ବାଚନ ମଣ୍ଡଳୀ ଅନ୍ତର୍ଗତ ଜୟପାଟଣା ର ୧୫ ଟି ୱାର୍ଡ ଲାଞ୍ଜିଗଡ ନିର୍ବାଚନ ମଣ୍ଡଳୀ ର ୧୮ଟି ପଞ୍ଚାୟତ ଓ ଧର୍ମଗଡ ନିର୍ବାଚନ ମଣ୍ଡଳୀର ୪ ଟି ପଞ୍ଚାୟତ କୁ ନେଇ ଜୟପାଟଣା ବ୍ଲକ ଗଠିତ , ଆଜି ଜୟପାଟଣା ବ୍ଲକ୍ କୁ N A C ଘୋଷଣା କରିଥିବାରୁ ମାନ୍ୟବର ମୁଖ୍ୟ ମନ୍ତ୍ରୀ ଙ୍କୁ ଜୟପାଟଣା ଅଞ୍ଚଳବାସୀ ତରଫରୁ ଧନ୍ୟବାଦ୍।ଦୀର୍ଘ ୨୫ ବର୍ଷର ଦାବୀ ଆଜି ପୂରଣ ହୋଇଛି।ଦୀର୍ଘଦିନ ହେଲା ଜୟପାଟଣା ନା ସହରାଞ୍ଚଳ ଥିଲା ନା ଗ୍ରାମାଞ୍ଚଳ ଥିଲା।ସରକାରଙ୍କ ମାଷ୍ଟର ପ୍ଲାନ୍ ମଧ୍ୟ ଅନୁମୋଦନ ହୋଇପାରି ନ ଥିଲା। ଏବେ ବିଜ୍ଞାପିତ ଅଞ୍ଚଳ ହେବାରୁ ସହର ର ନିଶ୍ଚୟ ବିକାଶ ହେବ।ଏସିଆର ଦ୍ଵିତୀୟ ବୃହତ୍ତମ ଜଳବିଦ୍ୟୁତ ଯୋଜନା ଇନ୍ଦ୍ରାବତୀ ନିକଟରେ ଏହି ପୁରାତନ ସହର କଳାହାଣ୍ଡିର ଇତିହାସର ଗଡ଼ଜାତ ଅଞ୍ଚଳ।ଭୌଗୋଳିକ ସ୍ଥିତି ରୁ ଏବଂ ଜନସଂଖ୍ୟା ଓ ଅନ୍ୟାନ୍ୟ ଦୃଷ୍ଟି କୋଣରୁ NAC ପାଇଁ ଉପଯୁକ୍ତ ଥିବାରୁ ଏ ଅଞ୍ଚଳର ବୁଦ୍ଧିଜୀବୀ,ବିଭିନ୍ନ ରାଜନୈତିକ ଦଳ ବାରମ୍ବାର ଦାବି କରିଆସୁଥିଲେ,ଯାହାକି ଆଶା ପୂରଣ ହୋଇଛି।ସହର ର ଜବରଦଖଲ ଉଚ୍ଛେଦ ହେବା ସହ ଗରିବ ଲୋକ ଡିହ ଓ ସହରାଞ୍ଚଳ ଆବାସ ଯୋଜନାରେ ଘର ପାଇଁ ଅଧିକ ଟଙ୍କା ପାଇବେ।ଡ୍ରେନେଜ୍ ବ୍ୟବସ୍ଥା ହୋଇପାରିବ,ସବୁଯାକ ଯୋଜନାବଦ୍ଧ ହେବା ସହ ସୋନ୍ଦର୍ଯ୍ୟକରଣ ମଧ୍ୟ ହୋଇପାରିବ ବୋଲି ଅଞ୍ଚଳ ରେ ଖୁସି ଲହରୀ ଖେଲିଯାଇଛି।
