ବିଭିନ୍ନ ସମସ୍ୟା ନେଇ ପୁଣି ଆନ୍ଦୋଳନ ମୁହାଁ ବୁର୍ଲା କ୍ରିୟାନୁଷ୍ଠାନ କମିଟି
ଚିପିଲିମା,ବୁର୍ଲା ସହରରେ ସମ୍ବଲପୁର ମହାନଗର ନିଗମ ପକ୍ଷରୁ ଉଛେଦ ପ୍ରକ୍ରିୟା ଯୋଗୁଁ ଲୋକେ ନିଜର ରୋଜଗାର ହରାଇବା ସହିତ ବେଘର ହେଲେ l ବୁର୍ଲା ସହରରେ ଦୀର୍ଘ ବର୍ଷ ଧରି ବସବାସ କରୁଥିବା ପରିବାର ବର୍ଗଙ୍କୁ ସ୍ଥାୟୀ ପଟ୍ଟା ଦେବା ବଦଳରେ L R C ପ୍ରଦାନ କରାଯାଉଥିବା ବୁର୍ଲା ଭାରତୀ ବ୍ଲୁବ ପଡିଆ ରେ ପ୍ରସ୍ତାବିତ ମାର୍କେଟ କମ୍ପେକ୍ସ ଟେଣ୍ଡର କୁ ବାତିଲ , ଘରଭଙ୍ଗା ଯାଇଥିବା କ୍ଷତିଗ୍ରସ୍ତଙ୍କୁ ଉଚିତ୍ କ୍ଷତି ପୂରଣ ଦାବୀରେ ଆଜି ବୁର୍ଲା ଭାରତୀ କୁବ ପଡିଆ ଠାରେ ବୁର୍ଲା କ୍ରିୟାନୁଷ୍ଠାନ କମିଟୀ ପକ୍ଷରୁ ଏକ ଜରୁରୀ ବୈଠକ ଅନୁଷ୍ଠିତ ହୋଇଯାଇଛି l ବେରୋଜଗାର ଏବଂ ବେଘର ହୋଇଥିବା ବାସିନ୍ଦା କ୍ଷତିଗ୍ରସ୍ତ ଦୋକାନୀ କିଭଳି ସମସ୍ୟା ର ସମ୍ମୁଖୀନ ହେଉଛନ୍ତି ନିଜର ନିଜର ଅସୁବିଧା କୁ କୋହ ଭରା ଆଖିର ବୁର୍ଲା ସହରରେ ବହୁତ ପରିବାର ବର୍ଗ ଙ୍କ ନାମ ବନ୍ଦୋବସ୍ତ ଆଇନ୍ ଅନୁଯାୟୀ ରେକର୍ଡ ଭୁକ୍ତ ହୋଇସାରିଛି l ଦୀର୍ଘ ବର୍ଷ ରହି ଆସୁଥିବା ପରିବାର ସମସ୍ତ ଟେକ୍ସ ପୈଠ କରି ଆସୁଥିବା ବେଳେ ସ୍ଥାୟୀ ପଟ୍ଟା ନ ମିଳିବା ଅତ୍ଯନ୍ତ ପରିତାପର ବିଷୟ ବୋଲି ସଭାରେ ମତପ୍ରକାଶ ପାଇଥିଲା ଭାରତ ବର୍ଷରେ ଯେଉଁ ଅଞ୍ଚଳରେ ଓ ସ୍ଥାନରେ ନୂଆ ପ୍ରକଳ୍ପ କିମ୍ବା ବିକାଶ କାର୍ଯ୍ୟ ରେ କ୍ଷତି ହେଇଥିବା ବ୍ୟକ୍ତି କିମ୍ବା ପରିବାର ବର୍ଗଙ୍କୁ ପ୍ରଥମେ ଥଇଥାନ କରିବାର ଦୃଷ୍ଟାନ୍ତ ରହିଥିବା ବେଳେ ନିକଟରେ ସମଲେଶ୍ବରୀ ମନ୍ଦିର ଯୋଜନାରେ ସମସ୍ତ ଙ୍କୁ ଉଚିତ୍ ଥଇଥାନ କରା ଯାଇଥିବା ବେଳେ ବୁର୍ଲା ରେ ଏହାର ବ୍ୟତିକ୍ରମ ଦେଖାଦେଇଥିବାରୁ କ୍ଷୋଭ ପ୍ରକାଶ କରିଥିଲେ l ଉଛେଦ ପ୍ରକ୍ରିୟା ଯୋଗୁଁ କ୍ଷତିଗ୍ରସ୍ତ ହୋଇଥିବା ଘର ଓ ଦୋକାନି ଙ୍କୁ ଶୀଘ୍ର ଥଇଥାନ କରାଯିବା ସହ ଅନ୍ୟ ସ୍ଥାନରେ ଯୋଗାଇ ଦିଆଯାଉଥିବା ୪ ଡେସିମିଲ ଲେଖାଏଁ ଜମି ଓ ଉଚିତ୍ ଅର୍ଥ ବ୍ୟବସ୍ଥା ବୁର୍ଲା ରେ ମଧ୍ଯ କାର୍ଯ୍ୟକାରୀ କରାଯାଇ ଦିଆଯିବା ସହ କ୍ଷତିଗ୍ରସ୍ତ ଦୋକାନି ଙ୍କୁ ଉଚିତ୍ କ୍ଷତିପୂରଣ ସହ ଅତି ଶୀଘ୍ର ଦୋକାନ ଗୃହ ଯୋଗାଇ ଦେବା ସକାଶେ ପ୍ରସ୍ତାବ ଦେଇଥିଲେ ll ମହାନଗର ନିଗମ ବୁର୍ଲା ବାସିନ୍ଦାଙ୍କୁ ମୌଳିକ ସେବା ଯୋଗାଇ ଦେବାରେ ବିଫଳ ହୋଇଥିଲା ବେଳେ ନିର୍ବାଚନ ପରେ ଥଇଥାନ ନକରି କୌଣସି ଘର ନ ଭାଙ୍ଗିବା କିମ୍ବା ଉଛେଦ ନ କରିବା, କ୍ଷତି ଗ୍ରସ୍ତ ଙ୍କୁ ଜମି, ଆର୍ଥିକ ସହଯୋଗ ଏବଂ ଦୋକାନୀଙ୍କୁ ଦୋକାନ l ନିର୍ଭର ପ୍ରତିଶ୍ରୁତି ନ ମିଳିବା ପର୍ଯ୍ୟନ୍ତ ବୁର୍ଲା ବାସିନ୍ଦା ଙ୍କ ପକ୍ଷରୁ ବ୍ୟାପକ ଆନ୍ଦୋଳନ କରାଯିବା କୁ ଆଜିର ସମାବେଶରେ ନିଷ୍ପତ୍ତି ନିଆଯାଇଥିଲା l ଏହି ବୈଠକ ରେ ବୁର୍ଲା କ୍ରିୟାନୁଷ୍ଠାନ କମିଟି ର ଗିରିଜା ନାୟକ,ଶିବ ଦଳାଇ ମନୋରଞ୍ଜନ ପଟନାୟକ,ନରେଶ ପଣ୍ଡା, ଗିରିଧାରୀ ମହାନନ୍ଦ,ଆଇଯାକ ନାଗ, ଓକିଲ ଖମାରି ଚୈତନ୍ୟ ଭୋଇ, ମୁନ୍ନା ମେହେର ରାଜୁ ସ୍ୱାଇଁ, ଅଜିତ ପଟ୍ଟନାୟକ ଗଣେଶ ସୁନା, ଠାକୁର ବାଗ ତଥା ବୁର୍ଲା ର ଗୋପବନ୍ଧୁ ସଂଗଠନ ,ସଙ୍ଗୀତ ସମିତି ,ଆମର ଉତ୍ସବ କମିଟୀ,, ଭାରତୀ କଳା ବିକାଶ କେନ୍ଦ୍ର ର କର୍ମକର୍ତ୍ତା ଯୋଗ ଦେଇଥିଲେ l
