ରାଜୀବ ଲୋଚନ ମିଶ୍ର9/03/2024 at 10:31 PM
ଗୋପାଳପୁର,୦୯/୦୩
ଗୋଳନ୍ଥରା ଥାନା ଅଧିନସ୍ଥ କନିଷି ହାଟ ଠାରେ ଶନିବାର ଭୋର ସମୟରେ ବୁଲେଟ ସହ ପିକପ ଧକ୍କାରେ ଜଣେ ମୃତ୍ୟୁ ବରଣ କରିଥିବା ବେଳେ ଅନ୍ୟ ଜଣ ଗୁରୁତ୍ୱର ଆହତ ହୋଇଥିବା ଜଣାପଡିଛି l ମୃତ୍ୟୁ ଜଣକ ହେଲେ ଟାଙ୍ଗଣାପୁଲୀ ଗ୍ରାମର ରାଜେନ୍ଦ୍ର ପ୍ରଧାନ ହୋଇଥିବା ବେଳେ ସୁମନ ପ୍ରଧାନ ଗୁରୁତର ଆହତ ହୋଇଛି l ସୂଚନା ଅନୁସାରେ ଚମାଖଣ୍ଡି ଥାନା ଅଧିନସ୍ଥ ଟାଙ୍ଗଣାପୁଲୀ ଗ୍ରାମର ରାଜେନ୍ଦ୍ର ଓ ସୁମନ ଏକ ବୁଲେଟ ରେ ମହାଶିବ ରାତ୍ରି ପାଇଁ ବିଭିନ୍ନ ଶୈବ ପୀଠ ଦର୍ଶନ କରିବା ପାଇଁ ଉଭୟ ଗତ କାଲି ରାତିରେ ଗ୍ରାମରୁ ବାହାରିଥିଲେ lମନ୍ଦିର ଦର୍ଶନ ସାରି ଉଭୟେ ରାଜେନ୍ଦ୍ର ଓ ସୁମନ ଗ୍ରାମ କୁ ଫେରୁଥିବା ବେଳେ ଭୋର ସମୟରେ ୧୬ ନଂ ନ ଜାତୀୟ ରାଜପଥ କନିସି ହାଟ ନିକଟରେ ଏକ ପିକ ଅପ ସହ ଧକ୍କା ହୋଇଥିଲା lଯାହା ଫଳରେ ଉଭୟେ ରାସ୍ତା ଉପରେ ଛିଟିକି ହୋଇ ପଡିଯାଇଥିଲେ । ଯାହା ଫଳରେ ଘଟଣା ସ୍ଥଳରେ ରାଜେନ୍ଦ୍ର ଙ୍କ ମୃତ୍ୟୁ ଘଟିଥିବା ବେଳେ ସୁମନ ଗୁରୁତର ହୋଇପଡିଥିଲେ l ସ୍ଥାନୀୟ ଲୋକ ଓ ପୋଲିସ ଉଦ୍ଧାର କରି ସୁମନ କୁ ବ୍ରହ୍ମପୁର ବଡ଼ ମେଡିକାଲ ରେ ଭର୍ତିକରିଥିଲେ l ପୋଲିସ ରାଜେନ୍ଦ୍ର ମୃତ୍ୟୁ ଦେହ କୁ ଜବତ କରି ବ୍ରହ୍ମପୁର ବଡ ମେଡିକାଲ କୁ ପଠେଇଥିଲେ l ଦୁର୍ଘଟଣା ଘଟେଇ ଥିବା ବୁଲେଟ ଓ ପିକ ଅପ କୁ ପୋଲିସ ଜବତ କରିଛି l ମୃତ୍ୟୁ ରାଜେନ୍ଦ୍ର ବାପା ଏ ନେଇ ଗୋଳନ୍ଥରା ଥାନାରେ ଲିଖିତ ଅଭିଯୋଗ କରିଥିଲେ l ଥାନା କେଶ ନ ୧୦୧/୨୪ ପ୍ରକାରେ ପୋଲିସ ଦୁର୍ଘଟଣା ମାମଲା ରୁଜୁ କରି ତଦନ୍ତ ଆରମ୍ଭ କରିଛି l ଅନ୍ୟ ପଟେ ରାଜେନ୍ଦ୍ର ମୃତ୍ୟୁ ଦେହ କୁ ବ୍ୟବଛେଦ କରିବା ପରେ ସନ୍ଧ୍ୟା ପୋଲିସ ହସ୍ତାନ୍ତର କରିଥିବା ଜଣାପଡିଛ l