ଓଡ଼ିଶା ଡଟ୍ ନ୍ୟୁଜ୍ ବ୍ୟୁରୋ14/03/2024 at 10:34 PM
ନୂଆଦିଲ୍ଲୀ: ଲୋକସଭା ନିର୍ବାଚନ ପୂର୍ବରୁ କେନ୍ଦ୍ର ସରକାର ବଡ଼ ଘୋଷଣା କରିଛନ୍ତି। ସାଧାରଣ ଜନତାଙ୍କୁ ଆଶ୍ଵସ୍ତି ଦେଇ ପେଟ୍ରୋଲ-ଡିଜେଲ୍ ଦାମ ୨ ଟଙ୍କା ଶସ୍ତା କରିଛନ୍ତି ମୋଦୀ ସରକାର। ନୂତନ ଦର ଶୁକ୍ରବାର ସକାଳ ୬ଟାରୁ ଲାଗୁ ହେବ। କେନ୍ଦ୍ର ମନ୍ତ୍ରୀ ହରଦୀପ ପୁରୀ ଏକ୍ସରେ ଟୁଇଟ୍ କରି ଗୁରୁବାର ଏହାର ସୂଚନା ଦେଇଛନ୍ତି। ସେ ଲେଖିଛନ୍ତି ପେଟ୍ରୋଲ ଓ ଡିଜେଲ୍ର ଦାମ ୨ ଟଙ୍କା କମ କରି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ପୁଣି ଥରେ ସାବ୍ୟସ୍ତ କରିଛନ୍ତି ଯେ, କୋଟି କୋଟି ଭାରତୀୟଙ୍କୁ ନିଜର ପରିବାର ଭାବନ୍ତି ଏବଂ ସେମାନଙ୍କ ହିତ ଓ ସୁବିଧାକୁ ସର୍ବଦା ଧ୍ୟାନ ଦେଉଛନ୍ତି।
पेट्रोल और डीज़ल के दाम ₹2 रुपये कम करके देश के यशस्वी प्रधानमंत्री श्री @narendramodi जी ने एक बार फिर साबित कर दिया कि करोड़ों भारतीयों के अपने परिवार का हित और सुविधा सदैव उनका लक्ष्य है।
— Hardeep Singh Puri (मोदी का परिवार) (@HardeepSPuri) March 14, 2024
वसुधा का नेता कौन हुआ?
भूखण्ड-विजेता कौन हुआ?
अतुलित यश क्रेता कौन हुआ?
नव-धर्म… https://t.co/WFqoTFnntd pic.twitter.com/vOh9QcY26C
ସେ କହିଛନ୍ତି, ଯେବେ ବିଶ୍ଵ ମୁସ୍କିଲ ସମୟ ଦେଇ ଗତି କରୁଥିଲା ବିକଶିତ ଓ ବିକାଶଶୀଳ ଦେଶଗୁଡ଼ିକରେ ପେଟ୍ରୋଲ ଓ ଡିଜେଲ୍ ଦାମ ୫୦ରୁ ୭୨ ପ୍ରତିଶତ ପର୍ଯ୍ୟନ୍ତ ବୃଦ୍ଧି ଘଟିଛି। ଏପରିକି ଆମ ପଡ଼ୋଶୀ ଦେଶଗୁଡ଼ିକରେ ତ ପେଟ୍ରୋଲ ମିଳିବା ବନ୍ଦ ହୋଇ ଯାଇଛି। କିନ୍ତୁ ଏମିତି ସ୍ଥିତିରେ କେନ୍ଦ୍ରର ମୋଦୀ ସରକାର ଦୂରଦର୍ଶୀ ଓ ବଳିଷ୍ଠ ନେତୃତ୍ଵ କାରଣରୁ ଆମଦେଶରେ ତେଲ ଦର ନିୟନ୍ତ୍ରଣରେ ରହିଛି। ଏହି ସରକାର ଯୋଗୁଁ ଆଜି ପେଟ୍ରୋଲ ଓ ଡିଜେଲ୍ ଦାମ ୨ ଟଙ୍କା କମ କରାଯାଇ ପାରିଛି।
