ରାଜୀବ ଲୋଚନ ମିଶ୍ର18/03/2024 at 6:33 AM
ଗୋପାଳପୁର,୧୭/୩
ଗୋପାଳପୁର ଥାନା ଅନ୍ତର୍ଗତ ରାମଚନ୍ଦ୍ରପୁର ସନ୍ବିନିକଟ ଏସ ଇ ଟି କଲେଜ ନିକଟରେ ଆଜି ସନ୍ଧ୍ୟା ପ୍ରାୟ ସାଢେ ୫ଟା ସମୟରେ ଏକ ଅଟୋ ଭାରସାମ୍ୟ ହରାଇ କଲଭର୍ଟ ଭିତରକୁ ଖସି ଓଲଟି ଯିବାରୁ ଜଣେ ମହିଳା ଆହତ ହୋଇଥିବା ଜଣାପଡ଼ିଛି l ସୂଚନା ପ୍ରକାରେ ସନ୍ଧ୍ୟା ପ୍ରାୟ ସାଢେ ୫ଟା ସମୟରେ ଗୋପାଳପୁର ରୁ ବ୍ରହ୍ମପୁର ଅଭିମୁଖେ ଏକ ଅଟୋ ନିଜ ପରିବାର ଲୋକଙ୍କୁ ନେଇ ଯାଉଥିବା ବେଳେ ଭାରସାମ୍ୟ ହରାଇ ବି ଏସ ଇ ଟି କଲେଜ ନିକଟରେ କଲଭର୍ଟ ଭିତରୁ ଖସି ଓଲଟି ଯାଇଥିଲା l ଯାହାଫଳରେ ଅଟୋରେ ବସିଥିବା ଜଣେ ମହିଳା ସାମାନ୍ୟ ଆହତ ହୋଇଥିବା ବେଳେ ଅନ୍ୟ ମାନେ ସୁରକ୍ଷିତ ରହିଥିବା ଜଣାପଡ଼ିଛି l ଖବର ପାଇଁ ଗୋପାଳପୁର ପୁଲିସ ଘଟଣା ସ୍ଥଳରେ ପହଞ୍ଚି ସ୍ଥାନୀୟ ଲୋକଙ୍କ ସହାୟତାରେ ସେମାନଙ୍କୁ ଉଦ୍ଧାର କରି ଆହାତ ମହିଳାଙ୍କୁ ଚିକିତ୍ସା ନିମନ୍ତେ ବ୍ରହ୍ମପୁର ମେଡିକାଲ ପଠା ଯାଇଥିବା ବେଳେ ଏ ନେଇ ଥାନାରେ କୌଣସି ମାମଲା ରୁଜୁ ହୋଇନଥିବା ଥାନା ଅଧିକାରୀ ଶରତ କୁମାର ମାହାଲିକ ସୂଚନା ଦେଇଛନ୍ତି