ମହେନ୍ଦ୍ର କୁମାର ସାଇ22/03/2024 at 10:34 AM
ଝାରସୁଗୁଡା ୨୨/୦୩ (ଓଡ଼ିଶା ନ୍ୟୁଜ) ଝାରସୁଗୁଡା ଜିଲ୍ଲାପାଳ ତଥା ଜିଲ୍ଲା ନିର୍ବାଚନ ଅଧିକାରୀ ଅବୋଲି ସୁନିଲ ନରୱଣେ ଗୁରୁବାର ଦିନ ଲଖନପୁର ବ୍ଲକର ସୀମାନ୍ତବର୍ତ୍ତି କନକତୋରା ପ୍ରାଥମିକ ବିଦ୍ୟାଳୟ ସ୍ଥିତ ବୁଥ୍ ପରିଦର୍ଶନ କରିଥିଲେ । ଏଥିସହ ସମରବଗା ପଞ୍ଚାୟତ ଅନ୍ତର୍ଗତ କୁଡ଼ାବଗା ପ୍ରାଥମିକ ବିଦ୍ୟାଳୟ ବୁଥ କେନ୍ଦ୍ରକୁ ମଧ୍ୟ ଯାଇ ସ୍ଥିତି ଅନୁଧ୍ୟାନ କରିଥିଲେ । ଆସନ୍ତା ନିର୍ବାଚନ ପରିପ୍ରେକ୍ଷୀରେ ବୁଥ୍ ଗୁଡିକରେ ଆନୁସଙ୍ଗିକ ସୁବିଧା ଯଥା :-ପାନୀୟ ଜଳ ଯୋଗାଣ ବ୍ୟବସ୍ଥା ,ବିଦ୍ୟୁତ ସଂଯୋଗ ଓ ଶୌଚାଳୟ ଆଦି କାର୍ଯ୍ୟକ୍ଷମ ଥିବା ନେଇ ସମୀକ୍ଷା କରିବା ସହ ନିର୍ବାଚନ ଆୟୋଗଙ୍କ ନିର୍ଦ୍ଦେଶିକାର ସଠିକ ଅନୁପାଳନ ପୂର୍ବକ ଆସନ୍ତା ନିର୍ବାଚନ ଯେପରି ତ୍ରୁଟିବିହୀନ ଓ ସ୍ଵଛତାର ସହ ଅନୁଷ୍ଠିତ ହେବ ସେ ଦିଗରେ ଯତ୍ନବାନ ହେବାକୁ ଅଧିକାରୀ ମାନଙ୍କୁ ନିର୍ଦ୍ଦେଶ ଦେଇଥିଲେ । ଏହି ପରିଦର୍ଶନ ସମୟରେ ଜିଲ୍ଳାପାଳଙ୍କ ସହିତ ଲଖନପୁର ବ୍ଲକ ଗୋଷ୍ଠୀ ଉନ୍ନୟନ ଅଧିକାରୀ ବିନୟ କୁମାର ପଟେଲ, ଅତିରିକ୍ତ ଗୋଷ୍ଠୀ ଉନ୍ନୟନ ଅଧିକାରୀ ଗୋପାଳ କୃଷ୍ଣ ମିଶ୍ର ପ୍ରମୁଖ ଅଧିକାରୀ ଉପସ୍ଥିତ ରହିଥିଲେ ।